龍鳳號 (裝修中)

呢間餐廳主打滷肉飯、肉燥飯、香酥排骨等台灣美食。牆身一對大龍鳯最為吸晴。午市有套餐，但係三點之後餐牌都係八折。古早味魯肉飯味道偏甜，肉質結實，肉味濃，無豬羶。招牌必試虎咬豬亦叫刈包，裡面夾一大塊滷肉、酸菜、花生粉、還有香菜，因形狀像一個飽滿的錢包，取其財富滿足的喻意。黃金香酥排骨非常之大塊，豬扒亦都唔韌，非常之抵食。抹茶燕麥珍珠奶茶新出品，用上燕麥奶代替牛奶，珍珠亦唔黐牙，抹茶味都出，佢仲有普通奶茶同芋泥燕麥奶添。