古早味原住台灣 (已結業)

好耐冇出尖沙咀行街睇戲啦，估唔到臨近年尾真係人山人海，都好呀感染下熱鬧氣氛！睇戲之前食番過午餐先，想食台灣牛肉麵於是上嚟呢度搵吓有乜好介紹，見到古早味近近地就黎試吓啦！午餐時候都幾多人喎，雖然喺樓上鋪都幾大幾光猛，感覺好舒適好悠閒！午餐餐牌都幾多嘢揀，我哋揀咗兩個午餐之後決定一陣間要食甜品，哈哈！好大食！大雞扒滷肉飯午餐，雞扒真係超大塊，外皮炸得酥脆，裏面雞肉依然滑嫩多汁！滷肉飯肥瘦適中，入口甘香牛肉麵啲牛展好入味好林，面條彈牙珍珠奶茶用膠杯裝，唔知係咪方便啲人帶走飲呢？手工綜合芋圓，好豐富呀又有竽圓又有珍珠又有仙草紅豆燒餅，係我至愛，紅豆清甜，好乾身一啲都唔油膩