影片
更多
2020-12-03
161 瀏覽
📍 古琴雅苑襯仲未有堂食兩人限聚令前的最後一個夜晚，同屋企人食dinner。好耐冇食過片皮鴨啦，之前睇介紹話古琴雅苑為主打京菜享譽既中菜廳，座落於鬧市，有兩間分店。一於就去試下啦。➖➖📌 北京烤填鴨 (半隻)3個人食唔曬一隻烤鴨，想留返肚食其他好野，所以嗌半隻算啦! 師傅會將鴨係面前表演用純熟手勢片鴨肉。係食片皮鴨前，記得先品嚐一口酥。師傅話係鴨頸對落突出位置，一隻只切到幾片，令舍珍貴。欣賞鴨肉大小相若，排列有序，先夾起一片，只見鴨皮油光亮麗，油脂分佈平均。蘸點梅醬、甜醬、砂糖，再連同青瓜絲、哈密瓜絲卷上，第一口鴨油溢滿整個口腔，縈繞於舌。鴨肉油香四溢，搭配青瓜絲同哈蜜瓜絲的清脆，每一口都是幸福的感覺。➖➖📌 蟹粉扒豆苗 $158海量蟹膏同蟹肉撈埋一齊，用薑汁去除腥味，超級鮮甜。豆苗係季節當做蔬菜，好淋甜，一啲都唔老。送飯食超級正。➖➖📌南翔小籠包 6隻$62皮薄餡靚，湯汁好多。好細心咁墊塊蘿蔔係底面，防止大家夾起會唔小心整穿個皮而漏曬d湯出黎。➖➖📌 瑤柱強白海鮮炒飯 $99炒飯炒到粒粒分明，蝦份量都好多，絕冇欺場。瑤杜絲都好鮮甜。➖➖📌精美四小拼 $168貪佢咩都可以試勻哂，雞
襯仲未有堂食兩人限聚令前的最後一個夜晚，同屋企人食dinner。好耐冇食過片皮鴨啦，之前睇介紹話古琴雅苑為主打京菜享譽既中菜廳，座落於鬧市，有兩間分店。一於就去試下啦。
➖➖
📌 北京烤填鴨 (半隻)
3個人食唔曬一隻烤鴨，想留返肚食其他好野，所以嗌半隻算啦! 師傅會將鴨係面前表演用純熟手勢片鴨肉。係食片皮鴨前，記得先品嚐一口酥。師傅話係鴨頸對落突出位置，一隻只切到幾片，令舍珍貴。欣賞鴨肉大小相若，排列有序，先夾起一片，只見鴨皮油光亮麗，油脂分佈平均。蘸點梅醬、甜醬、砂糖，再連同青瓜絲、哈密瓜絲卷上，第一口鴨油溢滿整個口腔，縈繞於舌。鴨肉油香四溢，搭配青瓜絲同哈蜜瓜絲的清脆，每一口都是幸福的感覺。
➖➖
📌 蟹粉扒豆苗 $158
海量蟹膏同蟹肉撈埋一齊，用薑汁去除腥味，超級鮮甜。豆苗係季節當做蔬菜，好淋甜，一啲都唔老。送飯食超級正。
➖➖
📌南翔小籠包 6隻$62
皮薄餡靚，湯汁好多。好細心咁墊塊蘿蔔係底面，防止大家夾起會唔小心整穿個皮而漏曬d湯出黎。
➖➖
📌 瑤柱強白海鮮炒飯 $99
炒飯炒到粒粒分明，蝦份量都好多，絕冇欺場。瑤杜絲都好鮮甜。
➖➖
📌精美四小拼 $168
貪佢咩都可以試勻哂，雞絲粉皮有好香既花生醬汁，好味。水晶肴肉彈牙肉質爽口，口感新鮮，不會死咸。
➖➖
📌 桂花糕 $45
晶瑩剔透，清新怡人，有3大塊，入面有杞子，食完油香豐富既片皮鴨再食如此清爽既甜點可以去除油膩感，為晚餐畫上完美句號
➖➖
張貼
