北京老家 (已搬遷) 新店位置

今晚同屋企人聚會，去咗呢間食北京菜，之前一直聽口碑都唔錯而且價錢唔貴，所以今晚決定去一試～呢度嘅裝修好古色古香，一坐低發覺張枱好特別，枱嘅中間下面原來係個魚缸有金魚游來游去，睇住金魚食飯感覺好得意！😍呢度餐牌入面好多款式，叫咗幾個涼菜：蔥油海蜇：幾香幾爽；雞絲粉皮呢度整得幾好，粉皮好滑又唔會太淋，配埋醬食好味；醉雞好好食，酒味香濃雞肉亦都好嫩滑～涼菜之後其實有好多野都好想食（太多選擇攪到選擇困難發作）最後都叫咗好多款嚟試～😬😋小籠包味道唔錯，烤羊肉串幾好食，唔會un同好有羊味；松仁魚，啲雨已經去咗骨，炸得幾鬆脆，魚肉幾滑，最鍾意啲汁酸酸甜甜配埋個魚食好開胃！🤤主角當然係北京填鴨，啲皮烤幾香，啲肉幾嫩，呢隻鴨有啲肥但係反而我覺得更好味因為多一份油香，整體都好好食如果可以熱返少少更好～😋👍🏻叫左個炒刀削麵，呢個估唔到好友驚喜炒得好好食！刀削麵唔會太林又唔會硬，剛剛好，而且抄得好香鑊氣好夠，呢個大家都覺得我唔到好好食！🤤🤤👍🏻食咁多肉都叫咗兩個菜平衡下，上湯津白正常味道，反而炒萵筍好好味好爽甜～食完雖然好飽但都忍唔住要試吓佢個拔絲香蕉，好好味！出面有一層脆糖入面香甜嘅香蕉肉，雖然邪惡但係好正