金牌小龍 (已結業)

牛肉小籠包總共有5件，多汁而且皮都唔算厚，尺寸細少少，一啖一粒岩岩好!生煎包食落同小籠包好似冇咩分別只係煎過，但一樣都有咁多汁同埋個底夠脆，完全唔同口感!牛肉捲餅呢個真係好健康，因為有大量青瓜絲一齊捲埋，加上牛肉個調味亦都岩岩好，所以食落好fresh同埋健康，完全唔會油!雞絲粉皮雞絲量多加埋粉皮夠煙韌，麻醬有少少稀不過夾埋都唔會完全冇味，前菜嚟講清清地都幾好!糖醋排骨呢個唔同一般既咕嚕肉，因為食到好濃烈既話梅粉味，加埋排骨食感覺都幾新鮮!蟹黃瑤柱扒西蘭花有好多蟹黃同埋瑤柱絲，食落去調味唔錯而且西蘭花都有好多件!蝦仁蛋炒飯炒飯好濕潤而且蝦仁大大粒，加埋一齊食清之餘唔會太熱氣。