泰昌餅家

營業中

休息中

呢間位於中環的餅舖，因前港督彭定康對其蛋挞的情有獨鍾而聲名遠播，吸引唔少游客專程前來。但留意呢間得牛油皮蛋挞，鐘意酥皮的食家唔好白行一趟。臨近聖誕節假期，呢度更是人滿為患。特登走到對面街先拍到成條人龍，真是貨與輪轉。我未曾試過呢間的蛋挞，今日途經，又有時間排隊，咪順便試吓。買咗半打，有個靚靚紙盒裝住，店舖太細，已逼滿顧客，唯有行出出面搵個地方細細品味。之前食過的牛油皮蛋挞之中，以“超羣餅店”最正，所以自然而然用來做benchmark。呢間的牛油皮的牛油味更濃郁，但皮就散d，比較容易碎。蛋浆就两間不相伯仲。不過以時間成本同金錢成本來計，超羣就抵食好多了。