半路咖啡

營業中

休息中

半路咖啡有5-6間分店，店主好似有收藏古董杯碟嘅興趣，所以舖頭都有唔少古董杯，裝修都有復古feel，座位都幾舒服。餐牌選擇唔多，主食三樣，甜品三四樣，主要都係飲品多。*Scrambled egg, bacon on sourdough $98酸種麵包厚身、外脆內紮實，但比較乾。份量看似少，但其實食完好飽。炒蛋嫩滑、有蛋香，份量十分慷慨。煙肉煎到脆脆，但偏硬身。成個組合非常優秀，配埋旁邊嘅醬汁更多夾，但我唔記得咗實際係咩味😂Avocado, smoked salmon, onsen egg on sourdough $128半個牛油果原個上，新鮮又夠腍。煙三文魚有魚香油香，完全唔腥，溫泉蛋蛋黃半熟，好似搽果醬咁。旁邊嘅醬汁都好食，但我真係唔知咩味😂Iced americano $45咖啡豆嘅味道一般般，淡味啲。