影片
更多
2023-11-22
78 瀏覽
事關一個懶散既下午，本人剛剛係淘大MCL出黎，睇完Captain Marvel 2感覺掉左$65同青春一齊掉左落咸水海。拒絕肉類既我諗住食個海鮮午餐等心情好番啲，於轉角位置見到呢間Hi Tea，竟然平凡的路邊餐廳有龍蝦🦞餐食，果斷一頭撞入店內明明下午茶時段，餐廳依然爆滿，令人滿心期待，一坐低立即以QR code 落單，搵黎搵去都唔見有店外海報既龍蝦餐，當終於亂翻出龍蝦餐，未未㩒到個按鈕就竟然彈出之後返回主目錄再按，依然不斷彈出此畫面，本來心情不悅變得更為火滾，只好直接叫店員落單，半咸淡廣東話姐姐話食咩？「麻煩要門口外poster果個龍蝦湯海鮮湯飯，凍0水」，輕鬆落單後攞起單據一睇，搞笑，本身$138既餐變左做「濃蝦湯海鮮湯飯」，立即平左一半。好在發現得早味道的確係唔錯，龍蝦肉都可以有2隻手指咁粗，幾彈牙下，加埋蝦頭既蝦膏表現相當滿意個飯亦毫不遜色，蝦湯味道剛剛好，沒有死咸，墨魚圈有煎過，煙煙韌韌，蜆的種量不少但蜆肉失蹤了6成，食到最後都沒有在湯底找到😵青口沒什麼味但湯底搭救，飯粒粒粒分明相當美味既一餐，如果唔係一開始落單古靈精怪左d，都稱得上好唔錯既飲食體驗，建議完善一下個QR cod
拒絕肉類既我諗住食個海鮮午餐等心情好番啲，於轉角位置見到呢間Hi Tea，竟然平凡的路邊餐廳有龍蝦🦞餐食，果斷一頭撞入店內
明明下午茶時段，餐廳依然爆滿，令人滿心期待，一坐低立即以QR code 落單，搵黎搵去都唔見有店外海報既龍蝦餐，當終於亂翻出龍蝦餐，未未㩒到個按鈕就竟然彈出之後返回主目錄再按，依然不斷彈出此畫面，本來心情不悅變得更為火滾，只好直接叫店員落單，半咸淡廣東話姐姐話食咩？「麻煩要門口外poster果個龍蝦湯海鮮湯飯，凍0水」，輕鬆落單後攞起單據一睇，搞笑，本身$138既餐變左做「濃蝦湯海鮮湯飯」，立即平左一半。好在發現得早
味道的確係唔錯，龍蝦肉都可以有2隻手指咁粗，幾彈牙下，加埋蝦頭既蝦膏表現相當滿意
個飯亦毫不遜色，蝦湯味道剛剛好，沒有死咸，墨魚圈有煎過，煙煙韌韌，蜆的種量不少但蜆肉失蹤了6成，食到最後都沒有在湯底找到😵青口沒什麼味但湯底搭救，飯粒粒粒分明相當美味既一餐，如果唔係一開始落單古靈精怪左d，都稱得上好唔錯既飲食體驗，建議完善一下個QR code落單系統，如果唔係又會有食食下湯飯，呀姐攞住個牛扒鐵板餐問係唔係我叫、話係我枱號落order既事情發生（我心諗唔洗錢就放低）
張貼
