證券商協會會所

營業中

休息中

佢哋嘅乳鴿係真係幾好食嘅，同埋逢星期六、日及公眾假期午市堂食有買一送一，環觀四周，每台都會有碟乳鴿。其他小菜，例如蝦多士、咕嚕肉，同埋鹹魚雞粒炒飯（有個靚名，叫做生菜絲馬介休雞絲炒飯）都好食。佢哋啲點心唔係用蒸籠上，淨係用碟上，如果一台好多嘢食嘅時候可以慳返啲位。椒鹽豆腐就做得太乾，喺首本名菜個list 裏面裏面嘅大良炸牛奶就真係麻麻啦，個質地似硬咗嘅yogurt 多過似軟滑嘅炸奶，同埋偏鹹。假如佢想做一個特別版嘅炸奶，就唔應該叫做大良炸牛奶，應該改過另一個名。養生小米糕就幾特別，望落似蒸蛋糕，唔甜，對於養生嘅人來講不失為一個食咗甜品好似冇食嘅選擇。但係對於想去食甜品嘅人來講，呢個小米糕根本就不是甜品，因為一啲都唔甜。餐後送嘅腐竹薏米糖水，個蛋味好出，應該係打咗啲蛋落去一齊煲到好溶，蛋味仲出個腐竹嘅味。鍾唔鍾意，就係睇個人喜好啦。