影片
更多
2023-12-05
13 瀏覽
今早幫襯老麥主要係試佢個豬骨湯唔好話我大鄉里我最近先至知佢有呢款味叫咗個火腿扒蛋扭扭粉套餐配熱檸檬茶用埋個Apps落單，可以減$3實付$33.5懷念以前佢哋嘅煙肉蛋塊煙肉係加拿大煙肉質感比起美國老麥同澳洲老麥都好食因為無佢哋咁乾咁柴依家塊火腿扒雖然有火腿香而且彈牙但無一般洋火腿應該有嘅質感豬骨湯係老麥三個湯（另外兩個係蕃茄、清雞）之中最好味嘅比譚仔嘅豬骨湯好飲，而且無佢咁鹹今日我連湯都飲埋但杯檸檬茶就失色杯茶有澀味而且無檸檬嘅鮮味唔通真係澀得起先叫有taste 咩呢方面譚仔比佢好得多最後，我有攪棍唔用係要用匙羹篤檸檬雖然條匙羹係紙做，但點都好過枝攪棍我亦有叉唔用，用匙羹枝叉咁「掘」叉到乜？所以呢兩件「法寶」唔畀好過畀又係另類唔環保牢騷發完要閃人
主要係試佢個豬骨湯
唔好話我大鄉里
我最近先至知佢有呢款味
叫咗個火腿扒蛋扭扭粉套餐配熱檸檬茶
用埋個Apps落單，可以減$3
實付$33.5
懷念以前佢哋嘅煙肉蛋
塊煙肉係加拿大煙肉
質感比起美國老麥同澳洲老麥都好食
因為無佢哋咁乾咁柴
依家塊火腿扒雖然有火腿香而且彈牙
但無一般洋火腿應該有嘅質感
豬骨湯係老麥三個湯（另外兩個係蕃茄、清雞）之中最好味嘅
比譚仔嘅豬骨湯好飲，而且無佢咁鹹
今日我連湯都飲埋
但杯檸檬茶就失色
杯茶有澀味而且無檸檬嘅鮮味
唔通真係澀得起先叫有taste 咩
呢方面譚仔比佢好得多
最後，我有攪棍唔用係要用匙羹篤檸檬
雖然條匙羹係紙做，但點都好過枝攪棍
我亦有叉唔用，用匙羹
枝叉咁「掘」叉到乜？
所以呢兩件「法寶」唔畀好過畀
又係另類唔環保
牢騷發完要閃人
張貼
