翡翠拉麵小籠包 (已結業)

2022年8月6日星期六下午，與朋友到中環IFC翡翠小籠包午膳。朋友先到，坐在最埋邊靠牆的枱，本身張四人枱已經中間有塊膠板，即係同人搭緊枱，一個字：迫。而同隔離枱都係得15cm度，迫上加迫。當隔離枱食客或侍應要出入，就要打側身因爲根本唔夠位。有個女侍應（只是中等身裁）因為身高關係，剛好個「八月十五」就貼住喺枱的邊緣上, 真係提早賀中秋。疫情之中，遊客減少，食店已無良心可言，亦未必理會社交距離。我同侍應講好心你地啲枱唔好咁迫喇, 你個屁股都坐在喺枱邊。她一於借咗聾耳陳隻耳。建議有關當局得閒巡查下IFC翡翠，睇睇有否違規，順便賞下「八月十五」。