影片
更多
2018-06-19
150 瀏覽
近喺網上討論區睇到一啲網友分享自己放題店裏面見到嘅特別經歷或者自己親身放題經驗。 就例如係要20碟 清酒煮蜆，然後清枱，同埋叫一份揚州炒飯之後就已經飽咗等等… 睇完之後激起咗我挑戰者嘅靈魂， 便相約朋友去大喜屋挑戰。去之前應承咗朋友…食晒十個牛肉鍋之前，我係唔會食其他嘢嘅！咁當時我就早到， 一坐落就馬上拎點餐紙，叫咗十份牛肉鍋，但waiter提醒一份牛肉鍋係二人份量，於是我就將十份改為五份，都收貨啦。 對於我嘅行為，是waiter有少少surprised, 回過頭更加叫另一位同事過嚟覆核我嘅點餐。咁我亦都十分肯定地同佢講係五份。牛肉鍋一向係我嘅至愛，而且我對大喜屋放題十分有經驗，大約知道牛肉鍋嘅份量， 同埋配料， 所以完全冇擔心。過對於佢嘅質量亦都要十分有信心嘅保證。等咗大概十分鐘好似有啲耐第一碟牛肉鍋終於送上， 見到熱辣辣嘅牛肉鍋肥牛，上面舖住一隻生蛋，掩蓋住生菜 椰菜 豆腐 金菇同埋一啲雜菜，就已經令我食指大動！忍唔住隊入去食第一啖！個個去放題淨係識食刺身魚生，其實牛肉窩嘅質量真係非常之好。 同出面嘅火鍋日式放題店嘅質量有過之而無不及。 而且肥牛嘅質量都好，唔似出面有啲任食火鍋咁樣
去之前應承咗朋友…食晒十個牛肉鍋之前，我係唔會食其他嘢嘅！
咁當時我就早到， 一坐落就馬上拎點餐紙，叫咗十份牛肉鍋，但waiter提醒一份牛肉鍋係二人份量，於是我就將十份改為五份，都收貨啦。 對於我嘅行為，是waiter有少少surprised, 回過頭更加叫另一位同事過嚟覆核我嘅點餐。咁我亦都十分肯定地同佢講係五份。
牛肉鍋一向係我嘅至愛，而且我對大喜屋放題十分有經驗，大約知道牛肉鍋嘅份量， 同埋配料， 所以完全冇擔心。過對於佢嘅質量亦都要十分有信心嘅保證。
等咗大概十分鐘好似有啲耐第一碟牛肉鍋終於送上， 見到熱辣辣嘅牛肉鍋肥牛，上面舖住一隻生蛋，掩蓋住生菜 椰菜 豆腐 金菇同埋一啲雜菜，就已經令我食指大動！忍唔住隊入去食第一啖！
個個去放題淨係識食刺身魚生，其實牛肉窩嘅質量真係非常之好。 同出面嘅火鍋日式放題店嘅質量有過之而無不及。 而且肥牛嘅質量都好，唔似出面有啲任食火鍋咁樣，牛呢係得肥膏，又好多斤嘅。 佢就好香肉味，而且呢肥瘦都識中。
另外四分陸續上到！排曬喺度五份影起來都十分壯觀！其他食客亦都紛紛探頭觀戰。 身為牛肉鍋愛好者嘅我驚都冇驚過，經過早一個禮拜去日本嘅法寺修行之後，學識咗食嘢呢係要慢慢食，欣賞食物嘅味道嘅 。 所以即使係挑戰食量嘅遊戲，我都係唔會狼吞虎嚥，係會慢慢品嚐佢嘅真味。
咁朋友嚟嘅時候 ，啱啱好就食完第五份， 之後朋友就陸續點其他嘅食物。咁都係我哋去放題會食嘅咁樣。大喜屋嘅質素一向都有保證。樣都食得非常開心。咁樣呢就一餐晚餐了！！！！
張貼
