Burgerman (埃華街)

營業中

休息中

之前去個朋友嘅新屋house warming嘅途中，曾經見過呢間大排長龍嘅漢堡包店，唔明白點解噤多人排，朋友話下次帶我去食一次就知道呢間另類漢堡店嘅魔力喎今日難得經過附近，當然要獨開呢個疑惑啦！店面有啲bar rest. feel！內面得十零個座位，好易爆！單睇個menu就知同平時食嘅漢堡差好遠！而且選擇又多，朋友話係即叫即整，本身都唔信，但一陣食落就知喇先叫咗個水牛城雞翼，小食嘅價錢好合理，份量都抵食有相為證！食得慢啲都無哂呀第一次試水牛城雞翼，有啲辣辣地！雞肉仲有好多雞汁同好嫩，而雞皮就仲係脆脆地！正呀！另一個小食就係炸手指魚柳！加埋少少香草去炸，一上檯就聞到香氣十足喇值得讚嘅喺炸皮好薄，肉又滑得嚟無雪味！魚柳點埋凍凍嘅沙律醬一齊食，真喺無敵呀！為咗中和呢餐食肉獸大餐，當然要叫番個田園沙律啦！估唔到嘅係兜沙律噤大兜，食到完場先ko到！呢兜沙律有齊唔同嘅沙律菜，不過重口味嘅我，覺得多啲醬會仲好主角登場喇！等咗二十分鐘嘅鵝肝漢堡上檯喇！側面睇勁juciy，啲肉汗仲滴緊嫁！牛肉嘅生熟度處理得好好，半粉紅嘅狀態真係令人忍唔住一啖咬落去呀鵝肝煎香咗，一咬落去啲肝油係唧哂出嚟，勁香，仲有粉粉地