北海道爐端燒 (已結業)

同朋友到尖沙咀食日式串燒，呢間北海道爐端燒，響日本不同地方也有分店，今次開到來香港，香港人真有口福，知道呢度出名係稻草燒鹽鰹刺身，想試一試。稻草燒鹽鰹刺身$98上枱喇，燒過的鰹魚刺身放在稻草上，賣相好原野，鰹魚外皮好明顯燒過，口感較實肉，中間部分的鰹魚還是生的刺身，保留鮮甜味，上面鋪了蔥粒及炸至金黃色的蒜片，夾埋魚生一齊食更香，令魚生不會太腥。串燒點了幾款，有新穎配搭煙肉蠔卷$32，原來都好夾，好惹味，蠔又多汁，還有清爽的露筍豚肉串$32。另一串係燒牛舌$38，夠彈牙香脆。食串燒當然要叫杯生啤解渴，再叫了個飽肚主食，叫了個神奇炒麵第二代$62，材料有洋蔥絲、冬菇絲、椰菜絲、甘筍絲及豬肉片來炒的拉麵，面有酸甜紅薑絲，而麵質彈牙，用鐵板上可保持溫度，而且份量都大碟。另一道帶子烏賊燒$48，好似廣東燒餅咁，但相對好多餡料，帶子粒，墨魚鬚，口感好豐富。另一特色菜色係Majimeya炸豬沙律$62，豬肉炆過再炸，外皮炸漿夠酥化脆口。沙律有溫泉蛋同新鮮蔬菜，夠開胃。最後叫了河豚干$68，好鮮甜多汁，唔會燒得太乾身。