影片
更多
2019-03-06
58 瀏覽
經過見到幾多人食，而且估唔到茶記都可以食到一盅兩件，人少少就啱晒，就即管食吓。民華MENU item比較經典，主要賣常餐。$41常餐，牛油多士唔洗加錢。烘得金黃香脆，牛油塗得平均。滑蛋亦炒得唔錯，蛋香得嚟唔油。茶記標準—茄牛湯亦幾唔錯。茄湯好濃，甚至有啲杰身。牛肉亦唔會比鬆肉粉整到假晒。通粉亦唔會發到好大好腍，啱啱好。紅豆冰超多豆，不過就有啲甜。經典西多炸得唔錯。蛋漿薄薄一層，造到脆而唔油，麵包仲好軟熟。咖啡比一般茶記有水準。係一杯啡走(即加煉奶)，但甜度唔高，亦唔會有劣質咖啡嘅酸味，咖啡味幾香。出奇哋有售唔少點心同蒸飯，例如牛肉球、燒賣、鮮竹卷......每一款水準都同茶樓無異。特別係鮮竹卷好足料，有蘿蔔、木耳、豬肉......
民華MENU item比較經典，主要賣常餐。
$41常餐，牛油多士唔洗加錢。烘得金黃香脆，牛油塗得平均。滑蛋亦炒得唔錯，蛋香得嚟唔油。
茶記標準—茄牛湯亦幾唔錯。茄湯好濃，甚至有啲杰身。牛肉亦唔會比鬆肉粉整到假晒。通粉亦唔會發到好大好腍，啱啱好。
紅豆冰超多豆，不過就有啲甜。
經典西多炸得唔錯。蛋漿薄薄一層，造到脆而唔油，麵包仲好軟熟。
咖啡比一般茶記有水準。係一杯啡走(即加煉奶)，但甜度唔高，亦唔會有劣質咖啡嘅酸味，咖啡味幾香。
出奇哋有售唔少點心同蒸飯，例如牛肉球、燒賣、鮮竹卷......每一款水準都同茶樓無異。特別係鮮竹卷好足料，有蘿蔔、木耳、豬肉......
張貼
