影片
更多
2017-09-04
1264 瀏覽
灣仔「喜帖街」變成樓盤項目之後，地下一段商業街經打造亦變得時尚、熱鬧，不過一街之隔嘅汕頭街，就顯得寂靜，似唔屬於灣仔嘅一部分。但喺，靜！都有其吸引之處，今晚到訪嘅咖啡小店「I'm Nuts」，就身處晌呢條寧靜小街之內。雖然喺一家小店，但裝修都幾骨子，除牆上掛上盆栽、畫作作點綴外，較特別喺有唔少以松鼠為主角嘅插畫。店主更特意介紹呢啲插畫喺出自本手插畫師阿柱嘅手，更隨手拎咗兩本佢嘅作品「是但哥」、「介意哥」俾我睇睇，果然幽默抵死。作為咖啡店，一向食物嘅選項都喺貴精不貴多。晌散點嘅餐牌，咖啡故此會放問首頁，此外，仲有其他飲品，如奶類、茶類、果沙、梳打……等等。食物方面，則有意大利麵、咖喱飯類、漢堡、沙律、全日早餐、沙律、輕食、甜品……等等。另一個一頁紙較簡單嘅喺套餐餐牌，睇啲內容該午餐、晚餐都喺佢，共有8款選擇，定價嘅範圍都幾十，由$78-$368，包餐湯，並有揀任何飲品有減$18嘅優惠，更唔收加一。不過，吊詭嘅喺你唔嘢飲，就嘥咗嗰$18優惠，相反，飲品最平點杯果汁都要$28，即喺要俾番$10出嚟，可以講個餐喺無嘢飲。南瓜忌廉湯餐湯喺南瓜湯，色澤橙黃，以大咖啡杯盛載，夠熱喺基本，真喺試過唔少
雖然喺一家小店，但裝修都幾骨子，除牆上掛上盆栽、畫作作點綴外，較特別喺有唔少以松鼠為主角嘅插畫。
店主更特意介紹呢啲插畫喺出自本手插畫師阿柱嘅手，更隨手拎咗兩本佢嘅作品「是但哥」、「介意哥」俾我睇睇，果然幽默抵死。
作為咖啡店，一向食物嘅選項都喺貴精不貴多。晌散點嘅餐牌，咖啡故此會放問首頁，此外，仲有其他飲品，如奶類、茶類、果沙、梳打……等等。食物方面，則有意大利麵、咖喱飯類、漢堡、沙律、全日早餐、沙律、輕食、甜品……等等。
另一個一頁紙較簡單嘅喺套餐餐牌，睇啲內容該午餐、晚餐都喺佢，共有8款選擇，定價嘅範圍都幾十，由$78-$368，包餐湯，並有揀任何飲品有減$18嘅優惠，更唔收加一。不過，吊詭嘅喺你唔嘢飲，就嘥咗嗰$18優惠，相反，飲品最平點杯果汁都要$28，即喺要俾番$10出嚟，可以講個餐喺無嘢飲。
南瓜忌廉湯餐湯喺南瓜湯，色澤橙黃，以大咖啡杯盛載，夠熱喺基本，真喺試過唔少餐廳啲餐湯喺唔熱，只喺輕微暖。南瓜味不俗，打得亦夠滑溜，驚喜位喺加入薑汁，入口有陣陣微微薑香，相信冬天飲感覺就更一流。
班尼迪蛋配煙三文魚 $88班尼迪蛋可配煙三文、煙肉、火腿或火雞，友人就揀咗煙三文，外觀睇落做得有板有眼。篤開隻班尼迪蛋，蛋漿隨隨流出，再一口過夾埋啲鬆餅及煙三文，好有一份柔軟感，加上帶微酸嘅荷蘭汁，整體味道真喺唔錯。曾經喺樂富嘅「石屋咖啡冰室」食過一次配煙肉，個人覺得配煙肉喺最完美嘅組合。
清新蘋果香煎豬扒配香甜本地蕃薯蓉 $118依客豬扒超好食，雖然無話用咩黑毛豬呀、豬鞍扒呀，但件豬扒煎得金香，入口有種「鬆脆」口感，所謂脆當然唔喺指薯片嗰種脆啦，喺種軟腍中有陣陣一咬即開嘅感覺。而最深印象喺自家製嘅蘋果蓉，柔滑清香，蘋果味突出，甜中帶微，配豬扒實在妙到整；此外，蕃薯蓉亦都好好食，打得軟滑，蕃薯嘅香甜湧出一份甜蜜嘅感覺。
清新蘋果香煎豬扒配香甜本地蕃薯蓉
$118
19 瀏覽
0 讚好
0 留言
嚟呢度食飯，其實都有目的，就喺想試佢哋啲咖啡，因為，正正就喺早前睇到雜誌，知佢哋部咖啡機「La Marzocco」喺最新嘅型號「Strada AV ABR 」，港澳區更喺唯一一部，勁在佢識因應咖啡嘅重量而自動調節出水量，令出品嘅質素更精準。
Mocha $44正價$44，但套餐可以減番$18，友人話杯Mocha其實味道不俗，醇香嘅咖啡滲出濃郁嘅朱古力味，不過賣相就有點失望。杯面太多泡，影響美感，畫minions的筆觸頗為粗疏。
Latte $38同樣晌拉花（畫花）方面線條未夠細緻，一樣有粗疏感，而且，睇杯面嘅咖啡（唔喺奶泡部份）亦偏淺，個人覺得明顯晌奶泡撞入espresso時，並未均勻，感覺喺大部份奶泡浮於面，故色澤較淺，再呷幾口，口感似飲cappuccino多啲，滿口都喺奶泡，咖啡嘅醇香要到飲咗一半先明確出現。
既然喺咖啡店，自然有供應件裝蛋糕，全部陳列晒晌凍櫃，意外地款式有咁多，部份更喺自家製。唯可惜食套餐無咩加配優惠，都喺獨立散叫。
意大利芝士餅 $38佢哋啲意大利芝士餅有杯裝或件裝，小弟傳統少少揀後者。碟面加咗龍貓公仔，令賣相加分，面層鋪滿厚厚嘅唂咕粉，較易嗆喉，中間嘅馬卡風芝士餡好柔滑，但似乎只有「忌廉」嘅味道，而中間嘅手指餅嘅酒味真喺唔多覺，以前都食過刻意唔加冧酒嘅出品，始終唔夠傳神。此外，配消化餅底，小弟始終覺得唔太夾，寧願以薄薄嘅海綿蛋糕底再灑少許咖啡酒更合襯。
朱古力果蓉蛋糕 $38朱古力蛋糕幾時都喺咁吸引，相機先食就會自然切開睇睇，不過切開一刻，外層嘅鏡面朱古力有點被「抽乾」嘅感覺，有種乾皮嘅感覺，應有朱古力嘅細滑完全消失，可能放晌凍櫃一段時間，其實呢問題晌好多咖啡店也同樣出現，最穩妥方法喺以玻璃罩冚住。至於味道，中間朱古力軟心餡其實十分軟滑而濃郁，正中心嘅蘋果蓉頗清甜，當然，換上檸檬果蓉就更清新，跟香濃的朱古力更平衡。
原來「I'm Nuts」有我為乜乜瘋狂之意，唔喺店員解釋番都唔知，怪不之得餐牌嘅分類會寫為「I'm Nuts for Pasta」、「I'm Nuts for Burger」……，小弟志向小，無為乜嘢瘋狂，倒有好多無聊喜好咁樣可唔可以講喺另一種「麻Nuts」呢？
張貼
