点心代表 (已結業)

成日經過The one見到呢間野，上次係美少女戰士個時已經好想試，但平時見無咁多人等位，今日中午已經一早去，但都要等位，限時1小時，一望入去D位非常逼，人，全部都係人😂服務態度都十分差，應該同茶餐廳d服務態度有得比😅至於D野嘅質素都不予置評，好鬼普通，差過一般飲茶嘅點心，至於唔係百變小櫻主題嘅食物，貌相十分差，同埋同樣唔好食。唔係百變小櫻嘅fans，奉勸唔好黎。仲叫咗個啫喱，應該係咁多樣野算好食，但唔記得影相。位置係相當逼，影相隨時會影到身後嘅人。總體黎講，都幾唔值得去，同埋我今次去係無贈品送。