影片
更多
2011-05-23
425 瀏覽
前日(21-5-2011 Sat)朝同男友食完早餐後,拎埋o野趕住出門去北角,為o既係夜晚去灣仔食男友人LKH o既壽宴.男友順便又想食印尼o野,買完我o地去佢媽媽屋企前,我就o係o度買土筍凍,入到去,我問有冇土筍凍?個化o左靚妝o既女士(以下稱為A)答有,要幾多件?我問可唔可以要一件?A:冇一件.然後冇o野講.男友就問一碟有幾多件?我都問最少要幾多件?A答:2件.咁我話咁要2件.之後佢用福建話同一個亞姐講o野,然後一直企o係o度唔郁.我就主動話收錢先,就拎一張$100.00畀A同問幾錢?佢收下答$13.00同問我有冇散紙?我就搵$3.00出o黎畀佢.佢就問有冇$10.00?我答冇,唔好意思.佢就行去收銀機自言自語話佢自己冇$10.00.之後就找o左兩張$20.00同一張$50.00紙我.我心諗,一定要找$10.00紙畀我咩?咁我就企o係雪櫃o個邊等,男友就行o左出去等.o係等o既時候,有個亞叔行o黎開雪櫃門攞o野兩次,冇問題,佢要serve佢o既客.我見出面門口有好多由廚房抽出去o既煙,就叫男友返入o黎等,但男友唔肯.我o地繼續等,我就叫男友上屋企先,我後上.再等多陣,A由入面行出o
男友順便又想食印尼o野,買完我o地去佢媽媽屋企前,我就o係o度買土筍凍,入到去,我問有冇土筍凍?個化o左靚妝o既女士(以下稱為A)答有,要幾多件?我問可唔可以要一件?A:冇一件.然後冇o野講.男友就問一碟有幾多件?我都問最少要幾多件?A答:2件.咁我話咁要2件.之後佢用福建話同一個亞姐講o野,然後一直企o係o度唔郁.
我就主動話收錢先,就拎一張$100.00畀A同問幾錢?佢收下答$13.00同問我有冇散紙?我就搵$3.00出o黎畀佢.佢就問有冇$10.00?我答冇,唔好意思.
佢就行去收銀機自言自語話佢自己冇$10.00.之後就找o左兩張$20.00同一張$50.00紙我.我心諗,一定要找$10.00紙畀我咩?
咁我就企o係雪櫃o個邊等,男友就行o左出去等.o係等o既時候,有個亞叔行o黎開雪櫃門攞o野兩次,冇問題,佢要serve佢o既客.我見出面門口有好多由廚房抽出去o既煙,就叫男友返入o黎等,但男友唔肯.
我o地繼續等,我就叫男友上屋企先,我後上.再等多陣,A由入面行出o黎,而廚房o既o靚仔就可o黎開左邊o既雪櫃,拎一樣出o黎放o係右邊o既雪櫃.即係我讓o左兩吓.
而A就將土筍凍交畀我.我心諗,點解要拎咁耐?一早已經整好o左o架啦.
而我追到男友,一齊返上去喇.我打開o黎睇,嘩!有冇攪錯呀?將裝住汁o個個o野連埋土筍凍放埋o係個外賣碗入面,
乾唔乾淨o架?點解唔係放o係膠袋o度?有冇常識o架?男友話早已同我講呢間o野對唔係講福建話o既人係唔好,亦唔多想畀人問o野.咁佢o地即係擺明玩o野啦,我叫男友下次佢幫襯時用廣東話落單,食完就用福建話問佢o地點解咁o既態度對講廣東話o既人?橫豎都唔諗住再幫襯佢o地.
如果佢o地答唔鍾意做本地人生意,不如叫佢o地o係門口寫明:’只做福建人生意’啦.
講返個土筍凍,反轉o黎睇,有好多一點點,黑色唔知係咩o野o既o野,
好,食喇.好夠凍,沙虫有啲煙韌,食得出有一啲啲腥味,應該係蛋白質o既腥味,而o個啲汁係醋o黎,唔蘸都冇乜所謂.
而o衣o家睇到人o地o既食評,原來土筍凍會有蘿蔔絲跟埋,但呢個外賣係冇.
呢間o野咁o既態度,食物幾好食都好,我o地都唔會再o黎囉.
其實服務只值0.1分咋.
張貼
