郁香園牛丸麵 (已結業)

Item: 郁香園牛丸麵
Rating: 4
Author: 奧志雷

3.5

11 食評

味道

環境

服務

衛生

抵食

346

紅磡

$50以下

港式粉麵/米線

奧志雷

等級4

2.1K

左騰右騰不知道吃什麼好呢？路過見有位，是但求其啦，最緊要快 ﹗最初想去燦記飲菜湯架，但見人山人海唔想等。轉去合興隆想食牛雜又無開檔，唯有行到黎郁香園食啦。其實都無緊要，但最黑就係撞到 PKSL，大家當時運高睇唔到，免得食唔落啦 ﹗

侍應短髮肥姐做事非常有幹勁，活力十足，走來走去。聲線響亮，操著滿咸淡廣東話，敬業樂業，真係難得啊，Good ﹗嘩，竟然有新出品喎，點解會有牛腩既？郁香園係丸之專門店，可否做牛腩丸呢？食足七年郁香園都只係賣丸，反映出生意真難做，菜色要多花款要創新要要多樣化才生存到，吉日試您新牛腩。新舖比舊舖寬敞乾淨得多，坐得舒服當然食得都舒服啦，食慾都好好多。

黑椒牛丸河加鮮牛肉走蔥，黑椒牛丸跟原味牛丸的質素一樣那麼高、那麼美味可口，而且快加添了黑椒的惹味香辣，更醒神開胃。雖然郁香園幼麵確實是超級爽彈，不過質素下滑，近來次次散發強烈鹼水壓味，頂不緊 ﹗轉轉河粉穩陣一點。

河粉滾熱辣送到，輕煙飄飄，正到震呀 ﹗溫度燙咀最爽最好食，河粉已吸收滾燙燙汁又夠棉又夠滑，最怕結實硬淨的質感。純天然原汁原味鮮牛肉已不復再，點解要用上鬆肉粉呢？破壞得牛肉體無完膚，腍劈劈又滑潺潺，變成不自然的軟棉。

靚牛根本不用多此一舉呢，好浪費啊 ﹗幸好鬆得未算過火，還可以接受 ﹗豐富的牛汁澎湃激射，看的見的鮮艷亮麗嫩紅色，鮮甜味濃厚芳香。但我始終都是喜歡完全無醃過無加工過的新鮮靚牛肉的呀 ﹗

四寶麵走蔥，食得多鮮牛真的有點悶，隨便來個雜錦吧。何解會是五寶呢？魚皮餃，魚皮滑嘟嘟而嚥韌，不過魚腥味非常突出，腥與鮮只差一線，外腥內甜，很大對比喎，硬著頭皮吞下。

墨魚丸，滑滑彈彈，真材實料，肉多粉少，吃得到的鮮味及墨魚肉啊，食得過。豬肉丸，豬味濃濃，好有咬口，肉汁也不少，好味的。豬肚丸，比豬肉丸爽，味道較豬肉丸淡，不過也蠻不錯的。魚蛋，真的太一般，鞋鞋的質地不喜歡，有咸味但無鮮味，不難吃。

雲吞粗麵加鮮牛肉走蔥，第一次試郁香園粗麵，烚得爽彈嚥韌有蛋香，不會腍劈劈、不會黏到一舊舊，高水準 ﹗居然比鹼水麵還好呢，但掛湯力始終較幼麵稍遜。

魚蛋平凡正常，鞋中帶點微彈，質地不喜歡，有咸味有魚味但無鮮味，不難吃。始終最出色招牌菜只是丸類 ﹗蠔油菜芯，半點菜甜味都沒有，那裡出產的呀？味道帶酸，質地硬掘掘又粗糙，免強食晒菜葉，莖只好放棄。

五香牛腩撈粗走蔥，原來係蠔油撈麵，我愛五香腩汁撈多於蠔油撈架。救命呀，居然用灼芽菜配撈麵，我唔食芽菜架，非常怕那種腥嗅味，全部慢慢要挑走才食得安心啊。何解會食腩撈粗呢？似乎因為我自己的潛意識作祟，幾乎每次食撈麵都是腩撈粗，要腩汁不要蠔汁的呢。

論外觀賣相真的不堪入目，亂糟糟跟芽菜打成一片。烏捽捽的牛腩到底是用什麼醬料炆煮呢？原來五香來的，即時聯想起大埔學利。牛腩炆得超級軟棉，入味非常，每口都充滿香料味道。無渣兼滑滑，處理得宜，比想像中更有質素，可以再添食喎。

淨雲吞加紫菜走蔥，食後感就是幫襯郁香園都係食丸罷啦 ﹗何解淨食又要勁落生芽菜呢？強烈腥味吃不消啊，整碗湯都不能下嚥。雲吞一口易容食，小心熱啊 ﹗整粒啪入口好燙呀，淥到摽眼水喇。蝦爽肉香，包得結實不鬆散，只是咸了一點。

雲吞一口易容食，小心熱啊 ﹗整粒啪入口好燙呀，淥到摽眼水喇。蝦爽肉香，包得結實不鬆散，只是咸了一點。雲吞滿意蝦爽實淨豬肉香，雖然湯底多左股雲吞皮味。

淨牛筋丸加紫菜走蔥，點解要咁對我呢？叫個淨牛筋丸都放成紮生芽菜落去，搞到成碗湯都嗅腥味呀 ﹗更嚴重的是我還要忘記叫走蔥添呢 ﹗芽菜過多的水使到湯底變得淡而無味，我只想飲啖香濃肉丸湯之麻，水汪汪不是我要的。唯有用大量辣椒油救命，郁香園貫徹始終多年都是無豉油供應的，但辣油不夠香又不夠辣呢。紫菜只得五六片碎片，早知另外散叫紫菜湯無咁嬲。

牛筋丸，在郁香園的丸類都必屬佳品，頂級之作。牛筋丸跟普通牛丸質素不相上下，牛肉味濃而甜美，微微爽彈，而比牛丸質感實淨嚥韌，美味之選。

牛丸，招牌手打牛丸滑嘟嘟，飽滿又肥美，味濃醇厚，牛香非凡，肉汁水潤閃爍，滑溜溜爽歪歪 ﹗半年無黎食，依然保持丸皇地位，牛丸正到震！

幼麵質地都變了，烚得有點偏腍，還散發出陣陣鹼水異味，微爽弱彈免強合格。湯底充滿豬牛魚墨丸鮮甜味，滾完鮮牛肉就更美味無窮，灌得津津有味，越飲越不能停下來！加上冬菜及炸蒜更惹味可口，掛在麵條上啜啜啜，美味絕倫，十分興奮啊 ﹗肉湯超級香濃，點忍得口呀！湯底加入大量冬菜再洒上炸蒜非常清甜香口，而且肉味濃郁非凡，梗係要成碗飲晒去啦 ﹗