影片
更多
2011-08-05
1 瀏覽
(先說態度)時間為晚上 7 時多, 本身想去同區更出名的星馬餐廳用膳, 但因太熱有排行而且先經過此店, 所以便試試.店內 10 張枱只有 1 張枱得 1 個食客, 好明顯所有野都唔趕. 坐低拿起餐牌後一秒, 阿姐 (語氣還可以) 問: "食乜?" 好循例地我回答: "睇下先吖唔該 ". 點知阿姐唔夠一分鐘又行埋黎, 貼得更近枱邊, 像是迫我們, "要乜?" 心想: 你有咁多款 (齋麵都 10+ 款啦, 點可以一睇即落 order!? 你牆上又一張二張, 我地 ready 自然會叫你, 我地都肚餓的.)此時男友也忍唔住問一句: "咦你地... 閂門喇?" 我接著也說 " 我地第一次黎架,唔知有咩食, 可唔可以睇清楚 d 先?" 點知一講完阿姐便黑面了...真正落單時粒聲唔出, 寫低完即行開... 咩事?!之後不斷有其他食客出現, 看來全部都係熟客, 所以阿姐態度即刻變好, 與外賣客說 "哎呀你去左邊呀, 送去你公司唔見你既?"; 幫熟客轉枱轉 N 次都笑笑口; 又教食客"如果飲品太甜的話下次記住叫少甜啦! ".... 我們心裏更不是味兒 :S(由於此阿姐已黑我憎, 所以我成晚都有留意佢
時間為晚上 7 時多, 本身想去同區更出名的星馬餐廳用膳, 但因太熱有排行而且先經過此店, 所以便試試.
店內 10 張枱只有 1 張枱得 1 個食客, 好明顯所有野都唔趕. 坐低拿起餐牌後一秒, 阿姐 (語氣還可以) 問: "食乜?" 好循例地我回答: "睇下先吖唔該 ". 點知阿姐唔夠一分鐘又行埋黎, 貼得更近枱邊, 像是迫我們, "要乜?" 心想: 你有咁多款 (齋麵都 10+ 款啦, 點可以一睇即落 order!? 你牆上又一張二張, 我地 ready 自然會叫你, 我地都肚餓的.)
此時男友也忍唔住問一句: "咦你地... 閂門喇?" 我接著也說 " 我地第一次黎架,唔知有咩食, 可唔可以睇清楚 d 先?" 點知一講完阿姐便黑面了...
真正落單時粒聲唔出, 寫低完即行開... 咩事?!
之後不斷有其他食客出現, 看來全部都係熟客, 所以阿姐態度即刻變好, 與外賣客說 "哎呀你去左邊呀, 送去你公司唔見你既?"; 幫熟客轉枱轉 N 次都笑笑口; 又教食客"如果飲品太甜的話下次記住叫少甜啦! ".... 我們心裏更不是味兒 :S
(由於此阿姐已黑我憎, 所以我成晚都有留意佢, 不出所料, 唔洗 serve 客時面當然是勁黑的)
埋單時仲要唔講多謝!!!過分!!! 你黑面還黑面, 可否有返些少專業態度?!
(再說食物)
食物我覺得還 ok, $4x - 5x 一碗 laksa 其實好合理, 睇得出湯底好俾心機做, 椰香味濃, 可惜我叫的雞絲比較 "孩" , 而且 description 寫有蝦的都只得一隻, ("一隻"仲要係一開二的"一隻"...) 男友0個碗都好 d , 有兩隻蝦, 但係係冇味的... 不過辣味適中, 接受到.
另, 想問正統的 laksa 不是油麵 + 米粉嗎? "加東" 的 laksa 用呢款麵條是否賣點之一 ? 食落好像泰國 (或其他東南亞地區的 glass noodles) , 有錯請指教...
絕對唔會再黎, byebye!
張貼