咖喱至尊

營業中

休息中

一家五口點了個至尊自選套餐B，$218，有一碟鹽焗雞例牌，再加兩款小菜，送例湯一小窩及白飯兩碗，然後再加多一個$75的餸，D餸都有幾多款式可以揀。咖喱至尊梗係要食咖喱啦，我地揀咗咖喱牛腩，份量比想像中少，而且D牛腩炆得唔夠淋，不過個咖喱汁好惹味，加埋D青瓜粒番茄粒落去都幾正。個鹽焗雞例牌幾好食，有驚喜，竟然好過咖喱牛腩。白飯兩碗大大碗。例湯一小窩，每人都飲到一碗半左右。呢個就係加嘅椒鹽鮮魷，$75，OK啦。