影片
更多
2008-02-19
1 瀏覽
見到好多食評寫到幾好,所以專登約埋朋友黎試下,試完之後,發現之前有些食評言過其實,呢度的食物質素,只屬一般而已,不過服務態度就真係中上。四個人,兩個女仔點左什菌米線,兩個男仔分別點左三鮮耳塊同埋豆花米線,再加一碟水晶皮凍。什菌米線:都算什菌,湯底勁清,清到無味…呢度唔似出面好多米線專門店咁,有魚湯或者豬骨湯底,米線配料只有梹 菜,芽菜,同埋腐皮,略嫌寡,我覺得米線整得太淋,味道唔算一流,講真,好多米線專門店好味過呢度(同一條街已經有兩間比好);三鮮耳塊:我無食,但係見到朋友果碗好清,好似有幾多菜,三鮮其中二鮮係各菇同雞肉,耳塊原來係年糕,即係食湯年糕加送咁囉,睇個樣又係好似無乜味道咁;豆花米線:真係貪得意先嗌…試左少少,豆花又真係無乜味道喎!個米線同湯又係無味,味道只係黎自炸醬,但係真係有點辣…炸醬又唔係特別出色,所以除左貪得意,試新野之外,都諗唔到原因點解要再點呢款米咯!試一次就夠了!水晶皮凍:塊凍又係無味既,長長方方一塊塊,比粉皮厚,似鎹 喱,味道全黎自個汁,少少辣,我覺得呢味唔好味。服務又真係幾好既,店員主動落力介紹,加水都算殷勤,可惜食物質素的確差了一點。P.S. 由於我跟上述
四個人,兩個女仔點左什菌米線,兩個男仔分別點左三鮮耳塊同埋豆花米線,再加一碟水晶皮凍。
什菌米線:都算什菌,湯底勁清,清到無味…呢度唔似出面好多米線專門店咁,有魚湯或者豬骨湯底,米線配料只有梹 菜,芽菜,同埋腐皮,略嫌寡,我覺得米線整得太淋,味道唔算一流,講真,好多米線專門店好味過呢度(同一條街已經有兩間比好);
三鮮耳塊:我無食,但係見到朋友果碗好清,好似有幾多菜,三鮮其中二鮮係各菇同雞肉,耳塊原來係年糕,即係食湯年糕加送咁囉,睇個樣又係好似無乜味道咁;
豆花米線:真係貪得意先嗌…試左少少,豆花又真係無乜味道喎!個米線同湯又係無味,味道只係黎自炸醬,但係真係有點辣…炸醬又唔係特別出色,所以除左貪得意,試新野之外,都諗唔到原因點解要再點呢款米咯!試一次就夠了!
水晶皮凍:塊凍又係無味既,長長方方一塊塊,比粉皮厚,似鎹 喱,味道全黎自個汁,少少辣,我覺得呢味唔好味。
服務又真係幾好既,店員主動落力介紹,加水都算殷勤,可惜食物質素的確差了一點。
P.S. 由於我跟上述地址話俾朋友知,搞到佢去錯旺角果邊,佢話門牌編號應該係170而唔係107,或者OR editors和有關人士可以幫忙check check。
[註︰地址是店方提供正確的地址。]
張貼