影片
更多
2009-03-06
368 瀏覽
一直想食呢間, 朋友個妹話幾年前大排長龍, 食過幾好......我就抱住"一試無妨"嘅心態入去, 無留意條"長龍"已經唔存在......四十幾蚊原來只可以要求飽肚, 其他野唔好要求咁多:>壽司碟殘缺不全, 油淋淋, 有漬嘅....>款式唔多, 迴轉帶上最多嘅係粟米, 肉鬆, 沙律呢類平時唔多叫嘅"下欄貨"....>壽司飯有"旱"味....>赤背壽司塊肉薄到一吹就走....印象最深係甜蝦壽司, 我第一次見咁嘅比例, 簡直好似係喺舊2寸長嘅擦紙膠上面放條萬字夾. 唔想影相, 因為唔想虐待我部手機. 服務員好禮貌, 而且嚴格執行店規:"食剩一舊斷件計十蚊". 我隔離果兩位食客嘗試將食剩嘅壽司"中爛", 然後放在叠高的壽司碟層中間, 以圖瞞天過海. 埋單時, 服務員幫佢地逐碟檢查, 終於東窗事發, 要收多十蚊. 果兩位食客居然想即時食番啲爛飯 , 好彩店員以衛生理由阻止.唉, 算啦, 轉個心情, 可以盡情掃"下欄貨" 呢個價錢, 我可以去食碗雲吞麵加碗粥, 同樣吸收咁多澱粉質, 條氣會順啲!
四十幾蚊原來只可以要求飽肚, 其他野唔好要求咁多:
>壽司碟殘缺不全, 油淋淋, 有漬嘅....
>款式唔多, 迴轉帶上最多嘅係粟米, 肉鬆, 沙律呢類平時唔多叫嘅"下欄貨"....
>壽司飯有"旱"味....
>赤背壽司塊肉薄到一吹就走....
印象最深係甜蝦壽司, 我第一次見咁嘅比例, 簡直好似係喺舊2寸長嘅擦紙膠上面放條萬字夾. 唔想影相, 因為唔想虐待我部手機.
服務員好禮貌, 而且嚴格執行店規:"食剩一舊斷件計十蚊". 我隔離果兩位食客嘗試將食剩嘅壽司"中爛", 然後放在叠高的壽司碟層中間, 以圖瞞天過海. 埋單時, 服務員幫佢地逐碟檢查, 終於東窗事發, 要收多十蚊. 果兩位食客居然想即時食番啲爛飯 , 好彩店員以衛生理由阻止.
唉, 算啦, 轉個心情, 可以盡情掃"下欄貨"
呢個價錢, 我可以去食碗雲吞麵加碗粥, 同樣吸收咁多澱粉質, 條氣會順啲!
張貼