津門大飯店 (已結業)

本來中秋節高高興興去呢間野想食下一啲特別菜色，點知去到服務差劣無招乎已經出乎意料，ok,大時大節唔夠人手大家將就一下。但係，更出人意表係呢間野既經營手法！明明套餐寫住金牌津門烤鴨（隻），（大家都一定以為會係一隻鴨）佢地竟然落單後先手寫改為半隻！如果唔係等得太耐睇返餐單，都唔知佢地改左，追問佢地仲理直氣壯話五人套餐無可能俾一隻！大佬，佢個所謂五人套餐絕對十人價錢！！我地都係以為有成隻鴨先會叫個餐！佢地咁既做法嚴重誤導消費者，已打去消委會投訴！呢餐飯背脊骨落，絕對無下次！！