新新酒家

營業中

休息中

天氣突然驟冷，去到銅鑼灣唔知食咩好，經過依間酒家就嘗試入去問下價錢同要等幾耐。侍應小姐話唔介意坐對碰枱就即刻有位，我問咩叫對碰枱，個侍應小姐完全解釋唔到，諗到唔洗等就有位，所以即刻答應。原來對碰枱嘅意思係喺走廊搭多一張接枱，只可坐一至兩個人。我哋喺點心紙上點左十幾款食物同胡椒豬肚湯，點知只黎咗幾款食物，心諗，大獲了。好彩，我老公出去攞醬汁同飲品嘅時候，發現出面有野食拎。胡椒豬肚湯上枱時係白雪雪嘅 ，無味道可言。我只好攞咗好多唔同款嘅雪藏丸丸，食食下，我老公發現行入D係有海鮮類呀！我老公攞咗半碗蜆同半碗螺，但烚熟後有五份一既海鮮係死既。呢間酒家好多人等位，因為有晚市又有人打邊爐，員工忙到一腳踢，大部份既時間係我哋自助攞野。如果唔介意食物質素係好一般，價錢每位$168包加一，飲品任飲，都值得年青人或大夥人去。