Tardemah (K11 Musea) (已結業)

之前經過K11 search 睇吓有乜嘢特色麵包買，見到呢間麵包舖嘅評分唔錯決定一試！一條麵包大概$80，其實都幾貴，何況佢唔係酒店嘅麵包店，不過見咁多人覺得好食就試吓啦。身為朱古力怪，見到朱古力菠蘿包方包就買咗（$76），買完即刻上車就趁新鮮食。個包上面有一層菠蘿皮，有少少杏仁片，都幾香口。其實成個包嘅感覺就係上面係中式嘅菠蘿皮，下面係西式嘅朱古力方包，味道無驚喜，係同想像一樣嘅味道。個包其實係好普通，麵包亦唔係特別鬆軟。包裏面都幾多朱古力，呢個係成個包最滿意嘅地方。可能整熱佢會好食啲。可能係個人口味嘅問題，我覺得個包overpriced，只會一試，未必再買。