金田壽司刺身店 (已結業)

今晚我們去咗元朗大坑渠旁邊嘅「金田壽司刺身店」食晚飯！我們叫咗八點八吋長壽司盛、特選長壽司盛、蟹籽沙律「大」、金田火山卷、芝士年糕、手打冷烏冬、野菜豆腐鍋同鹽燒鷄腎！開頭令我充滿其待嘅八點八吋長壽司盛同特選長壽司盛，嚟到之後見到個賣相同色澤已經令我們好失望， 點知一食落口就令我們後悔莫及點解會選擇嚟食， 吞拿魚嘅色澤暗淡無光， 除咗咁之外，其餘幾款嘅刺身都係唔冰凍， 唔係太新鮮， 味道亦無乜鮮味！ 手打冷烏冬嘅烏冬唔係好彈牙， 亦唔冰凍！ 野菜豆腐鍋，野菜嘅味道好苦同好澀！ 鹽燒鷄腎嘅味道好騷同有臭「壓」味！ 總括：呢間「金田壽司刺身店」所謂喺元朗叫做有啲名氣， 但原來出品係咁差劣， 真係令我們超級極之失望呀！ 只有一次，絕無下次！