正宗上海生煎皇 (已結業)

夜晚7點黎到即刻有位，黎呢度當然係想食小籠包同生煎包，平時食上海野必食咖麻灌湯小籠包$34平時出面食既係一籠6隻，呢度就4隻但就大隻dd, 係幾好味，多汁肉甜，最緊要係趁熱食上海生煎包 $18呢個包係招牌菜啦，仲有張圖畫教你點食，都係好多湯係入面，同小籠包有得揮。幾好既係可以兩個咁叫，有時d店要叫4個，兩個人食兩個會飽，呢家一人一個幾好雞絲粉皮 $33雖然幾好味個麻醬汁，但雞肉既味就麻麻，同埋係雞柳肉咁，同想像既雞絲太大分別炸醬麵麵太淋，同埋似肉燥麵多d，肉粒都偏肥，好膩呢個蔥爆牛肉都幾好味，好濃味，朋友話蔥好食過牛肉，送飯食一流。可惜個菜飯真係太離譜，第一次食到咁流既菜飯，得d菜碎粒咁，咬都咬唔到一粒菜，睇張相都見唔到菜可能因為我本身真係幾中意食菜飯，見到佢呢個菜飯真係呆左整體黎講係得小籠包同生煎包幾好食，但都未至於好食到要再黎，其他食物真係一般。雖然呢個價錢銅鑼灣黎講係平，但好味又唔貴既上海菜仲有好多選擇。