影片
更多
2012-05-04
27 瀏覽
呢間餐廳我地兩公婆去過好幾次, 環境唔錯, 星期一在深圳做完嘢, 特登在上水站落車幫襯. 因為唔知餐廳星期一開唔開, 事前打電話去訂枱. 由火車站行去, 話遠唔遠, 但天氣開始熱, 去到經已身水身汗. 入到去, 老公點了燒牛肉套餐($108), 我點了法國燒雞餐, 好似係$58.非常口渴, 然是叫啤酒, 待應話只得小枝裝藍妹, 雖然藍妹老公一向麻麻, 但又熱又口喝, 乜都殺啦.(其實從未問過枝啤酒幾錢.)點完菜, 兩個人開始商量飯後甜品應該叫梳乎厘定心太軟.幾分鐘後, 待應通知:「啤酒未放雪櫃, 你地介唔介意?」吓, 唔凍的啤酒! 你估廿年前大陸咩. 我微弱地抗議:「唔凍點飲呀?」此時坐在櫃枱後的男士, 估計是負責人啩, 話:「咁我地現在放雪櫃, 你等等啦. 」真係俾你激死, 「你而家至放入雪櫃, 到樽啤酒凍, 我地都食完啦.」於是我提議: 「不如我出去七仔買啦, 橫掂我地都唔鍾意藍妹嘅.」以為一人行一步,點知負青人竟然唔制, 「唔得㗎, 唔好意思. 」都好離譜啫, 天氣已經轉熱, 你買啤酒返嚟, 但唔放雪櫃, 咁同冇有咩分別先, 你冇提供凍啤酒, 係你唔啱, 但你只為自己生意著想,
星期一在深圳做完嘢, 特登在上水站落車幫襯.
因為唔知餐廳星期一開唔開, 事前打電話去訂枱.
由火車站行去, 話遠唔遠, 但天氣開始熱, 去到經已身水身汗.
入到去, 老公點了燒牛肉套餐($108), 我點了法國燒雞餐, 好似係$58.
非常口渴, 然是叫啤酒,
待應話只得小枝裝藍妹, 雖然藍妹老公一向麻麻, 但又熱又口喝, 乜都殺啦.
(其實從未問過枝啤酒幾錢.)
點完菜, 兩個人開始商量飯後甜品應該叫梳乎厘定心太軟.
幾分鐘後, 待應通知:「啤酒未放雪櫃, 你地介唔介意?」
吓, 唔凍的啤酒! 你估廿年前大陸咩.
我微弱地抗議:「唔凍點飲呀?」
此時坐在櫃枱後的男士, 估計是負責人啩, 話:「咁我地現在放雪櫃, 你等等啦. 」
真係俾你激死,
「你而家至放入雪櫃, 到樽啤酒凍, 我地都食完啦.」於是我提議: 「不如我出去七仔買啦, 橫掂我地都唔鍾意藍妹嘅.」
以為一人行一步,
點知負青人竟然唔制, 「唔得㗎, 唔好意思. 」
都好離譜啫, 天氣已經轉熱, 你買啤酒返嚟, 但唔放雪櫃, 咁同冇有咩分別先,
你冇提供凍啤酒, 係你唔啱, 但你只為自己生意著想, 有冇考慮下人客的需要呢?
雖然我都好氣頂, 但我一向傾向和平協商, 正想叫佢搵人出去七仔買,
不過老公「拾」一聲企起身, 鬧佢有冇搞錯, 然後走人.
佢份人脾氣係唔好, 但諗落俾錢做顧客, 都應該有顧客的立場及原則,
既然你冇心服務我地, 我地唯一可以做的係唔幫襯.
人家做小生意唔易, 我都唔想隨便俾喊樣人地.
所以都過咗幾日至寫呢篇食評.
我估應該短期內唔會再去啦.
希望負責人站在客人的角度, 考慮下人地感受.
題外話/補充資料：
聲明: 以上全部是我自己的親身經歷.
(以上食評乃用戶個人意見 , 並不代表OpenRice之觀點。)
張貼