影片
更多
2015-10-13
893 瀏覽
熨斗燒烤嘅gimmick嘢吸引咗好多人去幫襯，我亦都唔例外，想睇下究竟熨斗燒烤又幾好玩又幾好食。熨烤達人位於旺角洗衣街，係旺角站行去旺角東站個條天橋跟住個牌話洗衣街就好行落去。餐廳6點先開，由於晚餐都幾多人去，所以我都係6點開個時就到，費事等位。餐廳嘅裝修都幾得意，座位唔多，大約11－12張檯。失望嘅係生菜無得免費添加，兩個人嘅臺蛋漿得一半，亦冇得免費添加。一坐已經擺咗3碟小食，kimchee，芝士同粟米，係比你自己放係啲蛋漿度，由於蛋漿太少，有啲失望。lychee cider：個人認為係餐廳最好味嘅嘢，lychee唔太甜，沙冰量啱啱好，又幼細，唔駛打爛啲冰就飲到啲碎冰，好解渴。雖然支7氣無嘢頂住，但都唔會跌。講下個兩隻醬，真係好差，完全無韓國嘅味道，一隻係豉油加芝麻，隻醬好普通，個人認為隻醬唔係幾適合韓燒，啱用來打邊爐多啲。另一隻係辣醬，辣醬好稀，好水，一睇就唔係韓國嘅辣椒醬，兩隻醬都唔好味。熨斗烤壓套餐：一開始覺得個套餐好吸引，成個餐都可以玩下個熨斗。呢個套餐有5樣，A）磚頭五花腩400g：其實同平時嘅五花腩無分別，不過就厚薄之分，厚厚嘅肉係熨斗壓落去之下可以令到個皮脆啲，亦都迫到
失望嘅係生菜無得免費添加，兩個人嘅臺蛋漿得一半，亦冇得免費添加。一坐已經擺咗3碟小食，kimchee，芝士同粟米，係比你自己放係啲蛋漿度，由於蛋漿太少，有啲失望。
lychee cider
$43
40 瀏覽
0 讚好
0 留言
講下個兩隻醬，真係好差，完全無韓國嘅味道，一隻係豉油加芝麻，隻醬好普通，個人認為隻醬唔係幾適合韓燒，啱用來打邊爐多啲。另一隻係辣醬，辣醬好稀，好水，一睇就唔係韓國嘅辣椒醬，兩隻醬都唔好味。
熨斗烤壓
$480
18 瀏覽
0 讚好
0 留言
A）磚頭五花腩400g：其實同平時嘅五花腩無分別，不過就厚薄之分，厚厚嘅肉係熨斗壓落去之下可以令到個皮脆啲，亦都迫到啲油出來，都算ok。十分之下俾個8分。 8/10
B）牛肩脾肉100g：好普通，不值一提。 5/10
C）牛五花肉120g：亦都好普通，不值一提。5/10
D）調味豬皮120g：個人認為豬皮幾好，韓式燒豬皮通常都好多骨膠原，而我唔係幾鍾意食豬皮，反而呢隻豬皮我幾鍾意，佢食落口唔會好多膠嗰隻味但係都有咬口。7/10
E）M9霜降西冷80g：最差係呢個霜降西冷，講到好勁咁M9霜降西冷，咪又係普通牛柳粒，完全feel唔到同普通牛柳粒有咩唔同，入口一啲都唔融化。2/10
本人建議都係散叫好過叫一set啦，呢個套餐質素麻麻。都係玩下個熨斗姐..
大園手攪飯
$68
21 瀏覽
0 讚好
0 留言
餐廳整體黎講都係玩吓個熨斗，熨斗烤肉無疑係可以令到厚嘅肉外皮脆，但係餐廳肉嘅質素麻麻，醬汁又唔好味，feel唔到韓國嘅風味，令我覺得佢唔似韓燒。gimmick 呢啲嘢都係玩吓好啦。
張貼
