Le Grande Bleu (已結業)

忌廉蘑菇湯正常，帶子酥，真係麻麻哋，酒樓啲叉燒酥仲好食，慢煮鮑魚 ，同烚鮑魚冇分別，啲汁真係唔好食，意大利飯 ，茶餐廳啲鴛鴦飯仲好食，鵝肝正常，牛柳 勁細塊 無牛味 ，甜品雪糕轉咗做香蕉，全餐飯最好食個樣真係甜品，叫佢寫埋字做周年紀念，係有寫嘅，但係蠟燭都無支，見到我哋自拍，用唔主動過嚟幫手，雖然係地舖跑馬地、但係條街一啲都唔係旺，舖租應該唔係好貴，收呢個價好貴又唔係，平又唔係，但係如果一餐飯、不過甜品好食嘅話，冇人會再返嚟食、正常食個法國餐，最少都會問你啲嘢啱唔啱食、一間好嘅餐廳，要知道客人覺得呢啲嘢好好食，唔好食嘅有咩可以改進，環境係乾淨嘅、員工係禮貌嘅，老實講、就算佢收$200一個人，我都唔會再嚟食😂