雞翼山 (已結業)

呢個鋪位之前係食burger嘅，竟然做唔住。而家轉左做一間好迷人粉紅色嘅手羽專門店雞翼山。望落去仲以為係甜品店吸引少女做主打tim。見佢招牌有7款雞翼，因為晏少少要食晚飯，所以叫左一款檸香山葵蟹籽雞翼，由於雞翼係即叫即整，所以都等左十來分鐘架。仲要大熱天時企係街邊食就熱上加熱喇不過要讚一讚嘅係佢提供手套比你好無儀態咁食雞翼以炸嘅方式配合唔同醬汁，食倒山葵同蟹籽味，都幾夾，但就唔係好食倒有檸香味嘅。size方面算大隻，但炸完後入面嘅肉都仲滑，真係做得幾好。係香港地要專做一樣食物而又賺到錢真係少之又少，而專做雞翼嘅應該得名古屋過江龍世界之山幻之手羽先，跟係就有呢間雞翼山。係紅磡黃埔呢個競爭激烈嘅地段，要站得住腳，長做長有，除左新意，價錢，宣傳外，都仲要考慮下等候時間呀。希望下次去紅磡都仲見倒呢間美味嘅雞翼山啦