利強記北角雞蛋仔 (已結業)

之前買左次雞蛋仔，真係比其他地方嘅雞蛋仔比較好。但除此之外，其他小食都完全唔得。一次諗住試下佢個粉仔，唯一可以讚下嘅就只係料都算多，食完好飽。但其他方面完全唔得。另外再買左$10魚蛋加沙爹醬，魚蛋冇味，又硬，沙爹醬得好少，又冇味。另一次諗住比多次機會佢，買個碗仔翅，點知仲伏，又係冇味，又勁水，食食下仲有舊粉。所以我應該除左雞蛋仔之外其他都唔會買佢。所以真係食物如其名-雞蛋仔。其他小食我唔會建議大家買。