永華麵家 (已結業)

每次外游回港，就好怪住香港雲吞麵，聖誕節歐遊返嚟，一直試過幾家老牌云呑麵，都感遺憾，不是面身，就是湯底出問題。終於今天經過永華，毫不猶豫一個箭步入去小店，7點滿座，食客好識做，等了3分鐘就有人起身，裝修就十年如一日，仲算乾淨丶招呼合乎面店水準。目標清晰，只點一碗雲吞麵，吃了醃蘿白，一陣，一碗正宗「麵冚雲吞」送上，湯剛剛夠浸到，麵身保持爽有彈性，毫無鹼水味，五粒「一口」雲吞，豬肉蝦適中比例，至緊要有韮王、小小蔥粒，帶出香氣！湯底有用大地魚，加上店內寫明用鯊魚骨熬製，無味精口乾之感，高水準，夠正宗。