牛芳百世 (已結業)

本來去到尖沙咀想食「北京填鴨」，但因為時間關係，見到附近呢間餐廳，廣告相入面2碗牛腩好大件，睇個價錢都60-75 ，見到個名咁有霸氣，便打算試下！！入到去，諗住試下最出名崩沙腩，點知原來買哂。都唔緊要，就試下佢個招牌牛腩飯，牛丸麵，4隻鷄翼。本來一心期待，點知碗野來到我眼前，成碗都是4「大」件的白蘿蔔，但牛腩只有「三細片」，個心即刻碎哂。心諗：究竟是俾$60是食大蘿蔔或是牛腩呢！我冇理由搵老闆俾多幾塊牛腩。都唔緊要，$60一碗，可能佢d牛腩真係好味先到得3塊。即管試下，根本同香港仔魚蛋既牛腩質素一樣，起碼比呢間再多幾塊牛腩。食完牛腩，得返一大碗蘿蔔，食完都仲好肚餓，仲要有背脊骨落嘅感覺。我知道尖沙嘴食野要計埋鋪租，但係俾$60去食主菜蘿蔔多個牛腩既飯，點都食唔落，我寧願俾$300幾蚊去食點皮鴨都仲開心d。之後search Openrice, 睇返呢間野嘅comment ,原來不只是我一個人中伏，還有很多食家中伏。呢個教訓我下次試新野，要去OpenRice睇一次先。