Ideas Dessert (已結業)

本身同朋友諗住食下糖水，行過見到間十一點仲開緊既糖水舖就入去食下，點知呢35分鐘既體驗簡直係前所未有。一場黎到梗係要試下舖頭既招牌心太軟，叫完之後等左35分鐘，心急又肚餓既我當然想催下佢，要等成半粒鐘咁耐，舖頭一定係以「慢功出細貨」既心態去做，我一路等一路諗，呢份心太軟會唔會係我人生中食過最好食既心太軟，究竟佢值唔值得我35分鐘既等待？點知店員既回覆竟然係話個心太軟塌左要再焗過，點解佢塌左之後唔可以即刻同我講？要我等35分鐘之後催你，你先同我講你地個「招牌心太軟」塌左？係再三催促下，個店員可能趕住入廚房睇下個塌左既心太軟可以點補救，竟然下巴輕輕同我講等多2分鐘，我問多一次係咪真係2分鐘後就有，佢先淆曬底話幫我取消張單。呢種咁有咁有原則既店員，我真係完全未見過，令到我呢個未寫過openrice食評既人都要立刻申請個account入黎讚揚一下，但我寫緊呢個食評個陣，我諗左好耐究竟「未有用餐體驗」呢一欄我應該填「是」定「否」？我有入到去間舖，甚至仲坐左成粒鐘，但我呢35分鐘又根本無體驗過間舖任何一樣食物，掙扎左一陣之後我都係填左「否」，因為我的的確確咁體驗左呢間餐廳獨特既服務態度。如果大家夜