越食 (景林街市) (已結業)

第一次試呢間“ 越食 ”，真係好後悔🥲。初初就係因為見到有二人餐 $120，好豐富咁，又有兩個粉麵，又有三款小食，飲品同埋甜品，好似好抵咁，所以今日專登買外賣試下，點知.......一打開香茅豬排撈檬，嚇左一跳😵‍💫，見到啲顏色已經唔開胃，咬左一啖，豬排又乾又嚡，似係返煮又返煮咁既樣。再睇下啲小食，其實覺得呢度入啲貨，應該係唔差既，份量好足夠，但我諗係因為啲野食全部都有返煮又返煮，所以賣相好差，好似蝦餅煮到縮晒水😶，全部都好乾。雞翼都係，真係覺得嘥左啲食材。雖然價錢係好平，但呢個質素真係不能接受🥲，無下次。