錦丼 (已結業)

做完treatment，真係好想食壽司，就去左錦丼食，佢馮9:30都有6折，就一個人衝左入去。呢度環境都唔錯，好日本feel，不過可能星期一夜晚，真係無咩人，其實我響附近都爭扎左好耐唔知食呢個定一壽司或者板前，見呢個裝修幾特別又有6折就試試。。。點知。。。我揀左個函館雙色丼，見有好多海膽咁，都要成舊水，其實仲有其他刺身飯，不過海膽實左太吸引我，就決定要佢。黎到既時候，咦！！我啲海膽三文魚呢！好似飯多過咩喎！！先唔講個飯好酸好黏，啲三文魚仲要又薄又有筋，個海膽都係麻麻貨色，大佬，話6折都收成舊水，呢碗飯真係一啲都唔值，我過對面食一壽司好過啦呢個價錢，個定食包蒸蛋，個蛋睇個樣好似好滑呀，一食落就知水多過咩，一啲蛋味都無！又無料！得幾條蟹柳絲！從來唔寫食評既我都忍唔住要鬧！只此一次！無下次呀！