翰騰閣 (已結業)

前排同朋友去九龍塘又一城近街，行到下午想食點心，就去左翰騰閣飲下午茶喇，見到下午茶大中小點都只係 26 蚊，如果以其他地方比，佢都叫貴左少少，不過我唸佢收得咁既價錢應該食物同服務都有返咁上下質素既。入到去待應安排我地自己坐一張枱，之後就開始叫點心喇，叫左椒鹽脆皮豆腐、金蒜魷魚、葡汁海皇春卷、蜂巢帶子芋角、瑤柱蔥花炸兩腸粉、黑椒牛柳絲炒麵。除咗椒鹽脆皮豆腐、金蒜魷魚同黑椒牛柳絲炒麵比較好食之外，其他都係一般。最值得一提的是酒樓很細心，將黑椒牛肉絲炒麵的黑椒汁同炒麵分開上。總結嚟講，呢間酒樓價錢偏貴但又唔係咁好食，所以試一次就夠。