白布烏冬 (荔枝角道) (已結業)

新開張時大排長龍，近來附近開了新的拉面店，即刻唔使排隊就有位。選擇主要分熱湯烏冬﹑冷烏冬同沾烏冬。我就揀左茄子沾白布烏冬，唔包野飲$76。先講白布烏冬，比想像中厚身同大塊，進食有D論盡，除左形狀特別之外好似無咩特別，咁大塊食得去口感麻麻地。個湯無食平時食沾面既杰身，比較水，所以沾烏冬食都掛唔到湯，而且湯唔熱唔凍咁，湯既味道比較咸，唯一可取就係舊茄子味道幾好。整體覺得有點名過於實，為打卡黎一次就OK。另外有即食盒裝可外賣拎走，不過自己煮一塊塊既烏冬唔知會唔會好有難度。