影片
更多
2009-10-05
7 瀏覽
之前係沙田見過有呢間餐廳，但最後比日本野吸引左無試到…見係屯門新開左間，又唔洗等好耐位，所以試下。等位時望到有二人餐，所以坐低之後，好快就落左order。二人餐係由：兩客湯、一個二選一既小食、兩個四或五選二既主食、兩杯凍或熱飲，所組成。今晚有兩個二人餐供選擇，一個$168，一個$208，兩個分別在於係唔係蘇皮湯，有無龍蝦汁食品既選擇同埋選擇到單叫比較貴既野食。主食方面有2mm薄既pizza、意大利粉、石頭鍋飯、沙律等選擇。另外，餐湯加蘇皮另加$8，凍飲另加$2，加一服務費。因為知道呢間係意粉屋旗下餐廳，所以知道最愛既龍蝦汁食品都不外如是，唔需要點試。所以對比完兩個餐，都係$168合心水d。餐湯 - 意大利菜湯 (無蘇皮)：無驚喜，穩陣之作。但裡面有零碎既條狀意粉，比我有不安既感覺…究竟係d湯用過黎淥意粉丫？定係跌左d意粉落d湯到？又或者係想扮正宗既羅宋湯 / 什菜湯甘，裡面有粉食？如果係甘，唔該用返 ”正宗” 既貝殼粉，唔好用零碎意粉甘嚇人同慳皮。 小食 - 燒牛舌併蒜蓉包：燒牛舌救命！未食過牛舌既朋友千祈唔好係度付出你既第一次，因為呢度既牛舌真係得個樣係牛舌，但個味道會令你對牛舌呢樣
等位時望到有二人餐，所以坐低之後，好快就落左order。二人餐係由：兩客湯、一個二選一既小食、兩個四或五選二既主食、兩杯凍或熱飲，所組成。今晚有兩個二人餐供選擇，一個$168，一個$208，兩個分別在於係唔係蘇皮湯，有無龍蝦汁食品既選擇同埋選擇到單叫比較貴既野食。主食方面有2mm薄既pizza、意大利粉、石頭鍋飯、沙律等選擇。另外，餐湯加蘇皮另加$8，凍飲另加$2，加一服務費。
因為知道呢間係意粉屋旗下餐廳，所以知道最愛既龍蝦汁食品都不外如是，唔需要點試。所以對比完兩個餐，都係$168合心水d。
餐湯 - 意大利菜湯 (無蘇皮)：無驚喜，穩陣之作。但裡面有零碎既條狀意粉，比我有不安既感覺…究竟係d湯用過黎淥意粉丫？定係跌左d意粉落d湯到？又或者係想扮正宗既羅宋湯 / 什菜湯甘，裡面有粉食？如果係甘，唔該用返 ”正宗” 既貝殼粉，唔好用零碎意粉甘嚇人同慳皮。
小食 - 燒牛舌併蒜蓉包：燒牛舌救命！未食過牛舌既朋友千祈唔好係度付出你既第一次，因為呢度既牛舌真係得個樣係牛舌，但個味道會令你對牛舌呢樣食物產生誤會、恐懼、甚至厭惡既感覺！因為牛舌好咸，食入口只有食緊”肉”既感覺，但至於係咩”肉”呢，如果你係被蒙住眼的話，相信單憑味覺同口感，你係分別唔到的。至於蒜蓉包，唔鬆脆、唔甘香，但用黎點意大利菜湯食，ok la。
主食1 - 肉醬意大利粉(牛肉)：無驚喜，穩陣之作。略嫌牛肉有d ”鞋”，醬汁唔夠多，汁既份量只剛剛好夠薄薄的均雲沾上意粉而已。
主食2 - 蕃茄咖哩一口豬石頭鍋飯：份量適中，飯係珍珠米。本來以為好似鴛鴦飯甘，d汁一樣一半，但事實係咖哩汁加左蕃茄粒…感覺怪異。加上咖哩汁同飯既份量比例差好遠，d咖哩汁只沾到白飯面，可以用激孤寒黎形容！連d一口豬都沾唔到咩汁…但都好既，d一口豬唔會比咖哩汁”浸” 到淋晒囉，仲好脆身…不過d一口豬既肉質好奇怪，又係單憑味覺同口感，分別唔到係咩”肉” …話就話豬肉，但質感似雞肉，應該用過梳打粉醃制過，所以會甘奇怪…一句到尾，呢個石頭鍋飯既優點係，好夠熱！
餐飲 - 凍檸茶 & 凍奶茶：同意粉屋一樣用兩支一黑一白既幼飲管，自己加糖漿。
總括而言，唔計價錢，只計食物既味道的話，唔想等得耐，同只求食得飽，同想食西式野，可以一試。但整體黎計，唔抵食，唔值。如果係要試，唯有話，見附近既板長等得耐，又唔想食附近既Bistro Delifrance，而又知道Spaghetti House會多人等位，再加上你係超餓就暈，所以食呢間。否則，可以行遠d食過第二樣，又或者去返Spaghetti House等位好過la~~ 再唔係，兩個月後再去，望佢會有進步。
但話雖如此，都有一樣野值得讚既，就係有一位長直髮，大眼睛，應該係middle grade既女侍應非常敬業樂業，好有禮貌，好主動同energetic，又有笑容，仲識得從客人角度出發，如果你係5星酒店，當然常見，但如果係per head食百幾蚊，仲要係星期日晚市；確係屯門區非常難得的好侍應，亦係同行既好傍樣。但因為該名女侍應無serve過我地，所以唔知叫咩名，因而將成為我地下次再食多一次既唯一原因，不過唔會係短期內囉。
張貼
