影片
更多
2017-12-09
820 瀏覽
前排喺openrice團購左$48自助下午茶優惠，$48包加一，一至日都用得，價錢就抵到爛，質素如何今日就去試下一點九去到門口已經有十幾人等梗，樓面好快幫我地登記好，一夠鐘就安排團購客入先～自助位置唔大，只放到12個菜式同兩個湯一個糖水，未睇清個餸係咩側邊啲人已經急住叉隻手埋黎拎，飲品亦只有咖啡、洛神花茶同西洋菜蜜。洛神花茶好甜，應該有加糖水，中意天然帶酸既洛神花味既人我諗唔會中意飲；西洋茶蜜都偏甜，但無前者咁甜。餐單上既野得幾樣有，包括冬蔭功湯、紫菜湯、青木瓜沙律、鳳爪、炸雞翼、蒜蓉包、豬頸肉乾炒河、咖哩牛腩、鹵水豬手、豬皮魚蛋、黃咖哩魚柳、炒芥蘭、青椒炒豬肉片、炒飯、素姬炒粉絲、泰式咕嚕肉，再添都係添返相同菜式，無新鮮感。青木瓜沙律，木瓜絲唔新鮮，口感偏硬，好乾身無咩汁，食起黎無開胃既感覺。炒芥蘭，呢個算唔錯，雖然炒野但唔會太油，而且調味適中，唔會過鹹。黃咖哩魚柳，薯仔好大件炆得好淋魚柳皮薄肉厚身，咖哩濃度一般。豬皮魚蛋，剩係食左魚蛋，但大大粒幾彈牙，而且都幾入味。素姬炒粉絲，剩係見到粉絲同娃娃菜，但偏乾身，味道真係名符其實好素，無咩味。素式咕嚕肉，好細件兼無乜肉，但味道可以，酸甜
$48包加一，一至日都用得，
價錢就抵到爛，質素如何今日就去試下
一點九去到門口已經有十幾人等梗，
樓面好快幫我地登記好，
一夠鐘就安排團購客入先～
自助位置唔大，只放到12個菜式同兩個湯一個糖水，
未睇清個餸係咩側邊啲人已經急住叉隻手埋黎拎，
飲品亦只有咖啡、洛神花茶同西洋菜蜜。
洛神花茶好甜，應該有加糖水，中意天然帶酸既洛神花味既人我諗唔會中意飲；
西洋茶蜜都偏甜，但無前者咁甜。
餐單上既野得幾樣有，
包括冬蔭功湯、紫菜湯、青木瓜沙律、鳳爪、炸雞翼、蒜蓉包、豬頸肉乾炒河、咖哩牛腩、鹵水豬手、豬皮魚蛋、黃咖哩魚柳、炒芥蘭、青椒炒豬肉片、炒飯、素姬炒粉絲、泰式咕嚕肉，
再添都係添返相同菜式，無新鮮感。
青木瓜沙律，木瓜絲唔新鮮，口感偏硬，好乾身無咩汁，食起黎無開胃既感覺。
炒芥蘭，呢個算唔錯，雖然炒野但唔會太油，而且調味適中，唔會過鹹。
黃咖哩魚柳，薯仔好大件炆得好淋魚柳皮薄肉厚身，咖哩濃度一般。
豬皮魚蛋，剩係食左魚蛋，但大大粒幾彈牙，而且都幾入味。
素姬炒粉絲，剩係見到粉絲同娃娃菜，但偏乾身，味道真係名符其實好素，無咩味。
素式咕嚕肉，好細件兼無乜肉，但味道可以，酸甜平衡恰好。
炸雞翼，雞翼一開二，食起黎方便，雞翼幾好肉，唔會好瘦小，值得欣賞既係炸得脆身而不油膩，配埋泰式辣醬幾好食
鹵水豬手，呢個好食，炆得好淋好入味，肉質保持到嫩身，無咩肥肉。
甜品得芋頭西米露，唔會太甜，但偏稀椰汁味唔重，而且加左蘿蔔同粟米，食落有啲怪。整體來說，得炸雞翼、芥蘭、豬手我有再添兩至三次，
其他味道真係一般般，入得口但唔係好食，
而且菜式太少。
如果只求食飽唔求質素既都抵玩既，
$48可以食到唔同野食到飽。
張貼
