楊記麵家 (已結業)

下午有點餓, 又想食D熱野, 於是就到此叫了個淨麵, 貪其簡單得來湯底夠正。落單後不一會, 熱辣辣既麵送到, 未食落口, 陣陣大地魚湯的香味傳來已覺好正。不過D麵好一般, 唔爽口之餘鹼水味亦頗重, 但只為不浪費, 仍全部吃完。最正都係個湯, 濃得黎帶點甜, 之前問過店家是加了羅漢果煲的原故,每次我都不管是否有味精, 總按不住把它喝完。不過我想就算有味精都應該不多, 因我飲完都唔多覺好口渴, 只覺口腔帶洞甘甘的羅漢果餘香。