B.Duck Cafe (已結業)

難得一間主題cafe,平日既中午無咩人等位。自己排隊叫餐，然後隨便找位坐。由於梳化位已經坐滿，唯有坐長枱。值得留意既係要小心坐呢d 長枱，因為張櫈既設計好新穎，坐位會擺動，坐一陣都尚可以，坐得耐都比較辛苦。試左兩款食物同一款飲品鴨脾餐（$128)鴨脾切開勁juicy,d 汁留唒出黎，同埋有d 大隻。不過味道都幾咸，食得多好似食臘鴨脾。另外配菜薯條份量唔算多，薯條亦都係偏咸。炸雞親子飯（$68)飯係無咩味道可言，蛋皮底有南瓜汁。炸雞粒肉嫩多汁，不過得四粒。另外賣相方面可以改善一下，主題cafe 既賣點應該係食物既賣相，相信絕大部人都係為左呃like。荔枝冰茶一杯有爆珠既凍飲，內有bduck 既果冰，係炎炎夏日的確好舒服。最後，暫時一試便可。期望餐牌或食物可以有改善。員工服務態度唔錯，會向小朋友派貼紙，亦會問顧客食物質素如何。