LCB express (已結業)

幾天前，銅鑼灣崇光百貨附近，環顧四周地舖，都只有茶餐廳，而今時今日茶餐廳價錢下午茶餐都要五十幾蚊，心裏面都覺得唔抵！於是靈機一觸，諗起駱克駅，於是鼓起勇氣是新店，由於時間係下午三點，只可以揀Cafe。於是乎我到咗呢一間Cafe，點了一個下午茶餐，我點了蝦沙律配蘑菇湯、送一個小牛角包加埋一杯凍飲，收費都係$70左右。蘑菇湯味道唔夠濃郁，但材料都落足蘑菇，只係欠缺廚師試味。反而配角牛角包，鬆軟可口。主角蝦沙律就真係麻麻地，佢可任配一款沙律醬，意大利醋、千島醬、秞子醬。沙律放入樽內上枱給客人，讓顧客自己把沙律醬放入樽內搖晃，其實一啲都唔實際，因為玻璃樽空間有限，沙律點搖都唔會撈得均勻。簡直就係費時失事！二沙律嘅材料，只有沙律菜，同埋幾篇蘑菇，連小番茄都冇，口感真係好寡。連沙律都做得唔好，真係幾失望！不過鬧市之中，如果打工仔要搵一個安靜嘅食店，休息下，呢間小店都係一個好選擇。