影片
更多
2008-12-10
47 瀏覽
11月5日, 菲菲農曆生日暨我們的86週月快樂!由於想食餐中國野黎慶祝吓農曆生日, 但係為食的呀菲我又希望可以西式的甜品作結... 千揀萬揀終於揀咗黎soho東呢間一次過滿足晒我2個願望既中意仿! 其實起初入到黎見到佢既格局係有d odd, 因為冇諗過佢係一間café溝茶餐廳格局, 枱凳又比較窄... 同想像中係有d出入. 不過唔緊要~ 照叫~ 佢有d二人餐, 又有d一人餐, 大部份都係家常小菜, 結果我地要左個2人’仿佛在童年’餐~ 乜野黎? 都係名黎架啫~::: 仿佛在童年2人餐 ::: $188::: 咖哩薯仔牛俐 :::咖哩薯仔牛俐用砵仔裝, 風味足但味道一般~ 咖哩辣但冇咖哩味, 牛俐切成幼條狀, 完全食唔到牛俐爽滑既質感, 仲有d韌添! 薯仔夠粉, 但係只得2舊... 砵仔本身好淺, 所以咖哩份量唔多~ 而其他材料都略嫌孤寒咗d囉~::: 京蔥爆牛肉 :::好鹹! 全部野都過鹹! 牛肉韌! d蔥有d生! 仲要超多油! 非常之no good呀!::: 蒜茸西蘭花 :::呢個跟餐送既~ 竟然係最好味! 大大棵西蘭花新鮮翠綠夠爽甜~ 蒜茸落得足, 食落又香又惹味~ 正!:::
由於想食餐中國野黎慶祝吓農曆生日, 但係為食的呀菲我又希望可以西式的甜品作結... 千揀萬揀終於揀咗黎soho東呢間一次過滿足晒我2個願望既中意仿!
其實起初入到黎見到佢既格局係有d odd, 因為冇諗過佢係一間café溝茶餐廳格局, 枱凳又比較窄... 同想像中係有d出入. 不過唔緊要~ 照叫~ 佢有d二人餐, 又有d一人餐, 大部份都係家常小菜, 結果我地要左個2人’仿佛在童年’餐~ 乜野黎? 都係名黎架啫~
::: 仿佛在童年2人餐 ::: $188
::: 咖哩薯仔牛俐 :::
咖哩薯仔牛俐用砵仔裝, 風味足但味道一般~ 咖哩辣但冇咖哩味, 牛俐切成幼條狀, 完全食唔到牛俐爽滑既質感, 仲有d韌添! 薯仔夠粉, 但係只得2舊... 砵仔本身好淺, 所以咖哩份量唔多~ 而其他材料都略嫌孤寒咗d囉~
::: 京蔥爆牛肉 :::
好鹹! 全部野都過鹹! 牛肉韌! d蔥有d生! 仲要超多油! 非常之no good呀!
::: 蒜茸西蘭花 :::
呢個跟餐送既~ 竟然係最好味! 大大棵西蘭花新鮮翠綠夠爽甜~ 蒜茸落得足, 食落又香又惹味~ 正!
::: 甜品 ::: +$30
呢度既主打! 原本1餐1個甜品, 每加$10可以要多個. 侍應會遞上甜品盤然後講解下d名, 揀完唔係即刻比你食, 係要等落order整過d新既比你. 我地加$30總共揀左5款, 有焦糖燉蛋, 燉奶, 炸吉士雲吞, 曲奇mousse cake同埋mini crepe. 焦糖燉蛋味道唔錯, 燉奶淡而無味. 吉士雲吞同mini crepe一般, 最好味係曲奇mousse cake, 好味得黎有層次!
試過之後其實覺得除咗揀甜品嗰吓係好玩之外, 其實成餐飯都係平平無奇. 另外茶芥每位$6, 收得唔算平既家常小菜可以話係唔好食. 最重要揀完甜品之後其實味道都只係一般. 如果佢地環境可以舒服d的話都還可能加分. 最近經過發現佢地外邊裝修緊, 點都好我地短期內都唔會再幫襯~
張貼
