味佳居越南餐廳 (已結業)

有日行街發現流尚坊原來有為數不少既餐廳，上開飯就搵到呢間越南菜。睇評價好似幾好，就決心去試。首先要描述一下個first impression，上到去並非寫住味佳居，而係「新西貢」，大堂好多雜物，出面望入去係得2個客，第一個印象係佢未開舖，之後就係覺得「不如走啦」。但係望下店出面個餐牌又真係寫住味佳居，咁就算啦。店面唔大，最多坐到20幾人，已經講左裡面有2位客人，但係有7,8個員工。。。我地就揀左窗口位，對係海港城。我地叫左香茅豬扒金邊粉同埋蟹肉湯檬，可惜蟹肉未有，轉左蝦餅。豬扒係ok既，但係蝦餅個質感有d奇怪，唔係平時食開果d。整體都合格，不過坊間有間越南連鎖店會更好，相信佢地應該只係做附近返工既客為主。