影片
更多
2013-12-15
3612 瀏覽
同表兄弟姐妹喺厚福街食完飯，跟住走去諾士佛臺揾地方飲野繼續吹水，周圍都好熱鬧，行多幾步就嚟到il Meglio...見唔駛等位，其中一人未食飯，呢度又可以order野食，所以決定喺呢度飲嘞！一行5人坐低先點飲品，由於唔係個個都飲酒，所以冇開紅酒或白酒，分別點左 Ginger Ale, Icy Lemon, Bailey with Strawberry Milk, Stella Artois。由於我行開左，又唔係餓嗰個，所以冇參與揀野食。最後點左芝士肉腸釀蘑菇及炸海鮮拼盤。等左一陣，Bailey with Strawberry Milk, Ginger Ale 及 Icy Lemon嚟嘞！除左Bailey那杯像Milk Shake，味甜又rich，另外兩杯都係一般飲品，冇驚喜。邊吹水邊等啤酒，諗住影下碰杯相，照計啤酒齋斟好快嚟既啫，但等極都唔見酒，所以向店員查詢，問完即有，漏單乎？終於到齊，即刻影張合照紀念下先！(對上一次聚會已是兩三年前既事呢！)繼續吹下水﹑飲下野，等野食嚟，等左差不多半小時都未有，仲要見隔離枱遲嚟既朋友都有野食，於是又追單，此時店員去攞碟﹑叉分發俾我地...我好肯定，
一行5人坐低先點飲品，由於唔係個個都飲酒，所以冇開紅酒或白酒，分別點左 Ginger Ale, Icy Lemon, Bailey with Strawberry Milk, Stella Artois。由於我行開左，又唔係餓嗰個，所以冇參與揀野食。最後點左芝士肉腸釀蘑菇及炸海鮮拼盤。
等左一陣，Bailey with Strawberry Milk, Ginger Ale 及 Icy Lemon嚟嘞！除左Bailey那杯像Milk Shake，味甜又rich，另外兩杯都係一般飲品，冇驚喜。邊吹水邊等啤酒，諗住影下碰杯相，照計啤酒齋斟好快嚟既啫，但等極都唔見酒，所以向店員查詢，問完即有，漏單乎？終於到齊，即刻影張合照紀念下先！(對上一次聚會已是兩三年前既事呢！)
繼續吹下水﹑飲下野，等野食嚟，等左差不多半小時都未有，仲要見隔離枱遲嚟既朋友都有野食，於是又追單，此時店員去攞碟﹑叉分發俾我地...我好肯定，佢地一定係漏左單！追完單﹑派完食具，再吹多陣，芝士肉腸釀蘑菇先來，雖然環境有點暗，但都見倒此dish賣相不錯，原來所謂肉腸，係好似獅子球咁既豬肉丸，入面加左舊猶如笑牛牌芝士粒既芝士，下面墊底(或被釀)既其實係冬菇喎。除左本身既冬菇，都有一兩件散件松露物體，菇味超濃，豬肉丸調味唔錯，芝士亦幫佢加左唔少分，不過整碟味道變得幾重。
跟住連炸海鮮拼盤都嚟了，望落去都幾靚，除左炸海鮮，仲有菜絲沙律伴碟，平時我甚少食沙律，只會食凱撒沙律，但見佢用黑醋作醬汁，今晚我又冇食菜，於是我主動夾這沙律吃，味道是不錯的，但我發現內裡夾雜左唔食既青瓜絲，所以食完碟內既就算了。炸海鮮分別有三隻蝦﹑好幾件魷魚同兩三件炸魚，配以蕃茄(莎莎)醬同吃，家姐話炸魚唔錯，但係蝦同魷魚完全唔得，急凍貨之餘係完全冇味，就算點左蕃茄醬或釀蘑菇既汁都提升唔倒佢既味道，好"渣"呀！
野食唔得，又有甩漏既情況，我勸大家嚟飲野好了，食完飯先嚟吧！
張貼
