影片
更多
2009-03-09
12 瀏覽
(有相) 好孩子好唔好食第 261 回: 只要一客吞拿魚配法包@銅鑼灣八海山http://hk.myblog.yahoo.com/goodboy_philip/article?mid=32561又經過銅鑼灣京都廣場, 望下門口? 食飯時候永遠都有條龍企0係門口, 睇睇棟樓 d 食店, 又真係幾多 choice 既! 同銅鑼灣鑽石大廈既日本野相比, 京都廣場 d 食店較適合好孩子口味, 一於繼續逐間試! 今次試下八海山先! 好唔好食? 又睇落去? 地址: 銅鑼灣駱克道491-499號京都廣場6樓 Menu 野食選擇多, 中英日文對照簡潔有圖; 裝修間隔方面, 私人房間係比日本人既, 出面就香港人, 我覺得出面既燈光幾暗, 坐得唔太舒服...意大利風吞拿魚法包: 之前0係同一棟樓食過 "穴" 既拖羅薄脆, 八海山都有相類似既意大利風吞拿魚法包。沙津醬混吞拿魚碎配上法包, 吞拿魚碎滑滑地唔油, "挫落" 一聲咬下爽脆法包, 連埋 thick thick 地既沙津醬, 味道醒神! 如果可以當早餐真係唔錯!芝士明太子焗薯仔: 個人比較鍾意濃味既芝士, 薯仔下面全部都係紅紅的明太子, 一定要撈埋食
http://hk.myblog.yahoo.com/goodboy_philip/article?mid=32561
又經過銅鑼灣京都廣場, 望下門口? 食飯時候永遠都有條龍企0係門口, 睇睇棟樓 d 食店, 又真係幾多 choice 既! 同銅鑼灣鑽石大廈既日本野相比, 京都廣場 d 食店較適合好孩子口味, 一於繼續逐間試! 今次試下八海山先! 好唔好食? 又睇落去?
地址: 銅鑼灣駱克道491-499號京都廣場6樓
Menu 野食選擇多, 中英日文對照簡潔有圖; 裝修間隔方面, 私人房間係比日本人既, 出面就香港人, 我覺得出面既燈光幾暗, 坐得唔太舒服...
意大利風吞拿魚法包: 之前0係同一棟樓食過 "穴" 既拖羅薄脆, 八海山都有相類似既意大利風吞拿魚法包。沙津醬混吞拿魚碎配上法包, 吞拿魚碎滑滑地唔油, "挫落" 一聲咬下爽脆法包, 連埋 thick thick 地既沙津醬, 味道醒神! 如果可以當早餐真係唔錯!
芝士明太子焗薯仔: 個人比較鍾意濃味既芝士, 薯仔下面全部都係紅紅的明太子, 一定要撈埋食啊! 如果芝士燒焦一點, 或者好味 d?......
中華冷麵: 越簡單既野食越難整得好食, 冷麵不夠彈牙不夠水...no good!
牛油果軟殼蟹卷: 上碟軟殼蟹炸得不夠熱同脆, 相信係擺左一陣先到...最後食剩左一件!
銀鱈魚西京燒: 好鍾意食銀鱈魚所以寄予厚望, 不過燒得乾左...有點失望...
個杯上面有個健康十戒, 第五戒係點解呢? 少衣多浴? 著少 d 衫露多 d 肉???! 埋單唔知道幾錢, 因為表哥同我補祝生日。我估三百零度啦。
環境: 2.5 (有分"大房"同"大廳", "大廳"燈光暗得黎但係又無咩裝飾咁, 有 D 唔聚財, 反而大房燈好光, 有好多日本人0係裡面。)
衛生: 2.5 (唔使驚, 杯杯碟碟既餐車0係"大廳")
服務: 3 (正常。)
設計: 3 (Menu 設計中英日文對照簡潔有圖。)
味道: 2 (雖然個意大利風吞拿魚法包幾好食, 不過其他野食就...)
價錢: 2 (每碟野至少四十元, 同區可以有更好選擇。)
最終評分: 2.5 不推薦
八海山,銅鑼灣,日本,京都,京都廣場,好孩子,日本料理
張貼
