華輝小食 (已搬遷) 新店位置

大圍呢排都比較忙，三層文青cafe個個湧住去打卡，我都佩服個老細咁勇攪咁大工程，應該要係夢想，仲要dream house果隻先會實踐得到另一人氣食店就係華輝小食，手撕雞唔係新野，腸粉更加唔係，但係好簡單咁將兩樣野放埋一齊，就成為話題，連喺IG打手撕雞，都會出到關連tag #手撕雞腸粉兩樣野嘅通電位係芝麻，同時兩種食材喺口感方面又做到互補，手撕雞帶鹹香，口感實在，入口粗嚡冰涼，吸汁力強，而腸粉就輕滑有溫度，夾埋一齊食變冰火之餘，又成為一個多種層次，帶濃厚芝麻香嘅美食但係店家為左慳人手，連堂食都用發泡膠飯盒，唔多環保，單單呢一點，就會令我唔想再去